कांग्रेसद्वारा प्रदेशसभा बैठक अवरुद्ध 

कान्तिपुर संवाददाता

काठमाडौँ — प्रमुख प्रतिपक्षी कांग्रेसले प्रदेश नम्बर ३ को प्रदेशसभा बैठक अवरुद्ध गरेको छ । आगामी आर्थिक वर्ष २०७६/०७७ का लागि प्रदेश सरकारले ल्याएको बजेट वितरणमुखी भएको भन्दै कांग्रेसले मंगलबारको बैठक चल्न नदिएको हो । बैठक प्रारम्भ हुनासाथ कांग्रेस संसदीय दलका नेता इन्द्र बानियाँले सभामुखसँग समय लिएर बोलेका थिए ।

उनले बजेट मुख्यमन्त्री र मन्त्रीका क्षेत्रमा मात्रै गएको र समग्रमा नगएको, रसुवा र सिन्धुपाल्चोकजस्ता विकट जिल्लालाई पर्याप्त बजेट नछुट्याइएको आरोप लगाए।

यस्तै नेता बानियाँले विविध शीषर्कमा करिब ८ अर्ब बजेट छुट्याइएकोमा दुरुपयोग हुने आशंका गरे। प्रदेश नीति तथा योजना आयोगमार्फत छनौट भएका योजनाहरुमा बजेट नपारिएको, प्रदेश सरकारले ३० लाखभन्दा कमको योजना नबनाउने नीति अवलम्बन गरे भनेपनि त्यसको बेवास्ता गर्दै बजेट छरेको आरोप लगाए। उनले धारणा राखिसकेपछि कांग्रेस सांसदहरु उठेर विरोध जनाएका थिए। कांग्रेस सांसदहरुलाई पटक पटक बस्न आग्रह गर्दा नमानेपछि सभामुख सानुकुमार श्रेष्ठले आधा घण्टाका लागि बैठक स्थगित गरेका छन्।

प्रदेशसभा बैठकमा विनियोजन विधेयकमाथि छलफलको कार्यसूचि थियो। प्रदेश सरकारले असार १ गते ४७ अर्ब ६० करोड ७८ लाख ८६ हजार रुपैयाँ बराबरको बजेट प्रदेशसभामा पेस गरेको थियो।

प्रकाशित : असार १०, २०७६ १६:२६
प्रतिक्रिया
पठाउनुहोस्

२५ हजार घूस सहित शिक्षा इकाई प्रमुख रंगेहात पक्राउ

विप्लव महर्जन

सल्यान — अख्तियार दुरुपयोग अनुसन्धान आयोग सुर्खेतको टोलीले शिक्षा समन्वय इकाई सल्यानका प्रमुख धनबहादुर ओलीलाई २५ हजार नगद सहित रंगेहात पक्राउ गरेको छ । 

शिक्षा इकाई प्रमुख धनबहादुर ओलीबाट बरामद गरेको रकम गन्दै जिल्ला प्रहरी कायाएलय सल्यानका सुरक्षाकर्मी । तस्बिर : बिप्लब महर्जन/कान्तिपुर

सरुवा मिलाइदिने भन्दै पर्वतको महेन्द्र ज्योति माविमा कार्यरत शिक्षक युवराज आचार्यबाट रकम लिएको केही बेरमै अख्तियार दुरुपयोग अनुसन्धान आयोग सुर्खेतको टोलीले इकाई प्रमुख ओलीलाई मंगलबार दिउँसो पक्राउ गरेको हो।

अख्तियारको टोली पुग्ने बित्तिकै शिक्षा इकाई प्रमुखले शिक्षक आचार्यबाट लिएको रकम आफ्नै कार्यकक्षको भित्तातिर फालेका थिए। ओलीलाई अख्तियारको टोलीले सुर्खेत लगेको छ। उनीमाथि थप अनुसन्धान भइरहेको अख्तियारले जनाएको छ।

प्रकाशित : असार १०, २०७६ १६:०७
पूरा पढ्नुहोस्
प्रतिक्रिया
पठाउनुहोस्