बियरको पैसा तिर्ने विषयमा विवाद हुँदा साथीको हत्या
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
जनकपुर — बियर खाएर साथीबीच विवाद चुलिएपछि धनुषामा एक युवाको हत्या भएको छ । धनुषाको जनकनन्दनी गाउँपालिका–२ स्थित भारतीय सीमाभन्दा ५० मिटरको दूरीमा रहेको आँप बगैंचामा स्थानीय १८ वर्षीय कैफ नदाफको हत्या भएको जिल्ला प्रहरी कार्यालय धनुषाले जनाएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![बियरको पैसा तिर्ने विषयमा विवाद हुँदा साथीको हत्या](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/chakku-2132024072555-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
उनको साथीले बुधबार राति साढे १० बजे चक्कुले घाँटी रेटेको धनुषाका डीएसपी रञ्जन अवाले बताए । घटनामा संग्लन आरोपमा प्रहरीले सोही ठाउँ बस्ने दुई जनालाई पक्राउ गरेको छ । पक्राउ पर्नेमा ३० वर्षीय सहमत नदाफ र २२ वर्षीय जाकिस नदाफ छन् । ‘रोजा सकेर तीनैजना बियर खान गएछन् । फर्किने बेला बियरको पैसा तिर्ने विषयमा विवाद भयो । मोबाइलमा भिडियो हेर्ने विषयमा पनि विवाद भएको थियो । एउटाले चक्कु निकालेर घाँटी रेटिदिएछन्,’ धनुषा प्रहरीका डीएसपी अवाले भने ।
गम्भीर घाइते भएका कैफलाई परिवारले उपचारका लागि भारतको जयनगर लगेको थियो । उपचारका क्रममा बुधबार राति नै उनको मृत्यु भएको प्रहरीले जनाएको छ । हत्या आरोपी दुवै जनालाई नियन्त्रणमा लिई घटनाबारे अनुसन्धान भइरहेको डीएसपी अवाले बताए ।
![](https://assets-cdn.ekantipur.com/uploads/source/ads/900-x-100-0172024023126.gif)