सिरहामा यात्रु सवार विंगरमा ठोक्कियो टिपर
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सिरहा — सिरहाको धनगढीमाई नगरपालिका-९ मुसहर्नियास्थित पूर्वपश्चिम राजमार्गमा टिपरले विङ्गरलाई ठक्कर दिएको छ । पश्चिमबाट पूर्वतिर जाँदै गरेको ना १ आ १६४ नम्बरको टिपरले पूर्वबाट पश्चिमतिर आउँदै गरेको ना १ ज ६४३८ नम्बरको विङ्गरलाई ठक्कर दिएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![सिरहामा यात्रु सवार विंगरमा ठोक्कियो टिपर](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/winger-0272024124322-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
मंगलबार सवा तीन बजेको समयमा अत्यधिक गतिमा गुडिरहेको टिपर अनियन्त्रित भएर विङ्गरलाई ठक्कर दिएको प्रत्यक्षदर्शीले बताएका छन् । विङ्गरमा करिब २० जना यात्रु सवार थिए ।
त्यसमध्ये अधिकांश यात्रु घाइते भएका छन् । पाँच जनालाई भने बढी चोट लागेको प्रहरीले जनाएको छ । प्रहरीका अनुसार उनीहरूको दुर्घटनास्थल नजिकैको अस्पतालमा उपचार भइरहेको छ ।
टिपर र विंगर दुवै सवारीचालक भने घटनालगत्तै फरार भएको र उनीहरूको खोजीकार्य भइरहेको जिल्ला प्रहरी कार्यालय सिरहाका प्रहरी प्रवक्ता डीएसपी मुक्तिनाथ सापकोटाले जनाए ।
![](https://assets-cdn.ekantipur.com/uploads/source/ads/900-x-100-0172024023126.gif)