पुजारी हत्याका २ जना आरोपी पुर्पक्षका लागि जेल चलान

देवाही गोनाही नगरपालिका–१ करुनीयाका रामनरेश पटेल र जयनारायण राउत पटेललाई पुर्पक्षका लागि कारागार चलानको आदेश भएको जिल्ला प्रहरी प्रवक्ता डीएसपी भरत श्रेष्ठले बताए ।

गत भदौ १७ गते पक्राउ परेका दुवै उपर अनुसन्धान पूरा गरी सरकारी वकिल कार्यालय रौतहटमार्फत जिल्ला अदालतमा पेस गरेको थियो । अदालतले दुवैलाई पुर्पक्षका लागि जेल चलान गर्न आदेश गरेको हो ।

हनुमान मन्दिरका पुजारी ६५ वर्षीय श्रीरामको गत भदौ ३ गते राति करिब ९ बजे पूजा गरेर खान बसेको बेला गोली हानी हत्या गरेका थिए । हत्यापछि पटेलद्वय फरार थिए ।