सीमा क्षेत्रमा निकासी पैठारी अनुगमन गर्न संसदीय समिति 

जनकपुर — प्रदेश २ मा भारतीय सीमा नाकामा हुने निकासी पैठारीको अनुगमन तथा निरीक्षणका लागि संसदीय उपसमिति गठन भएको छ ।

बधुबार बसेको प्रदेश मामिला समितिको बैठकले भारतीय सीमा नाकामा हुने निकासी पैठारी अवलोलकन गर्न प्रदेशसभा सदस्य अशोककुमार यादवको संयोजकत्वमा ६ सदस्यीय उपसमिति गठन भएको हो । समिति सदस्यहरुमा प्रदेशसभा सदस्यहरु रामसरोज यादव, जगतारण देवी, रमेशकुमार पटेल, रिना यादव र सावित्री देवी साह रहेका छन् ।

आगामी चैत १३ गतेबाट पर्सा जिल्लाबाट अनुगमन थाल्ने समितिले निर्णय गरेको छ । सरसामान निकासी तथा पैठारीको क्रममा प्रदेशका आमजनता तथा व्यापारीले खेप्नु परेको समस्या बुझेर सामाधानको उपाय निकाल्न समितिले अनुगमनको निर्णय गरेको जनाएको छ ।