आफ्ना कार्यकर्ताहरुलाई झुठा मुद्दा लगाएको भन्दै सप्तरी कांग्रेसद्वारा जिल्ला प्रहरी कार्यालय घेराउ- प्रदेश २ - कान्तिपुर समाचार

आफ्ना कार्यकर्ताहरुलाई झुठा मुद्दा लगाएको भन्दै सप्तरी कांग्रेसद्वारा जिल्ला प्रहरी कार्यालय घेराउ

अवधेशकुमार झा

राजविराज — नेपाली कांग्रेस सप्तरीले आफ्ना कार्यकर्ताहरुलाई झुठा मुद्दा लगाएको भन्दै बिहीबार जिल्ला प्रहरी कार्यालय घेराउ गरेको छ ।

कार्यकर्ताहरुलाई झुठा मुद्दा लगाएर प्रहरीले फसाइरहेको आरोप लगाउँदै सप्तरी कांग्रेसका कार्यकर्ताहरुले नाराबाजी गर्दै प्रहरी कार्यालय घेराउ गरेको हो ।

राजनीतिक पूर्वाग्रहले प्रेरित भइ प्रहरीले कांग्रेसीलाई विभिन्न बहानामा झुठा मुद्दा लगाएर फसाउने काम गरेकाले स्थानीय प्रशासनको विरोधमा उत्रनु परेको नेपाली कांग्रेस सप्तरीका सभापति दिनेशकुमार यादवले बताए ।


सभापति यादवको नेतृत्वको जुलुस बिहीबार राजविराज नगर परिक्रमा गर्दे सप्तरी प्रहरी विरुद्ध चर्को नाराबाजी गरेको थियो ।

बिहीबार नै प्रमुख जिल्ला अधिकारी र जिल्ला प्रहरी प्रमुखलाई ज्ञापन पत्र बुझाउँदै सप्तरी कांग्रेसले प्रहरीले सत्यतथ्य छानबिन नै नगरी सामाजिक सन्तुलन बिग्रने कार्य गरिरहेको आरोप लगाएको छ । कांग्रेस कार्यकर्ताहरुलाई सिद्धयाउने गरी झुठा मुद्दा दर्ता गरिरहेको आरोप कांग्रेसले लगाएको छ । आफ्ना कार्यकर्ताहरुमाथि लगाइएको झुठा मुद्दा तत्काल खारेज गर्न समेत कांग्रेसले माग गरेको छ ।

प्रकाशित : कार्तिक ६, २०७७ १७:३१
प्रतिक्रिया
पठाउनुहोस्

कोरोनाबाट बीपी प्रतिष्ठानमा कर्मचारीको मृत्यु

प्रदीप मेन्याङ्बो

सुनसरी — धरानस्थित बीपी कोइराला स्वास्थ्य विज्ञान प्रतिष्ठानमा कार्यरत कोरोना संक्रमित ५६ वर्षीया एक महिला कर्मचारीको बुधबार दिउँसो १ बजे मृत्यु भएको छ । प्रतिष्ठानमै कार्यरत कर्मचारीको कोरोना संक्रमणबाट मृत्यु भएको यो पहिलो हो । 

प्रतिष्ठानका सहप्रवक्ता डा.आशिष श्रेष्ठकाअनुसार मृतक महिलामा उच्च रक्तचापको पनि समस्या थियो । उनलाई असोज २७ गते संक्रमण पुष्टि भएको थियो भने कार्तिक ३ गते कोभिड अस्पतालमा भर्ना गरिएको थियो ।

प्रतिष्ठानका कोभिड १९ का संयोजकसमेत रहेका होस्टल वार्डेन डा इन्द्र लिम्बुकाअनुसार ती महिलाले प्रतिष्ठानको होस्टलको सम्पूर्ण रेखदेख गर्दै आएकी थिइन् । पछिल्लो समयमा होस्टलमा बस्ने विद्यार्थी, इन्टर्नहरुमा पनि कोरोना संक्रमण व्यापक देखिएको थियो । एकैपटकमा २६ जनामा संक्रमण देखिएपछि प्रतिष्ठानले एक साताका लागि होस्टल नै सिलसमेत गरेको थियो ।

डा लिम्बुका अनुसार हालससम्ममा प्रतिष्ठानमा कार्यरत चिकित्सक, नर्स, हेल्पर गरी ३ सयभन्दा बढीमा संक्रमण पुष्टि भएको छ ।

प्रकाशित : कार्तिक ६, २०७७ १७:०८
पूरा पढ्नुहोस्
प्रतिक्रिया
पठाउनुहोस्
×