सप्तरी प्रशासन कार्यालयको सेवा कटौती- प्रदेश २ - कान्तिपुर समाचार
कान्तिपुर वेबसाईट
AdvertisementAdvertisement

सप्तरी प्रशासन कार्यालयको सेवा कटौती

कान्तिपुर संवाददाता

राजविराज — जिल्ला प्रशासन कार्यालय सप्तरीले बुधबारदेखि सेवा कटौती गरेको छ । कर्मचारीमा कोरोना संक्रमण देखिएकोले सेवाग्राहीमा फैलिन सक्ने भन्दै केही सेवाहरु तत्कालका लागि बन्द गरेको प्रशासन कार्यालले जनाएको छ ।

कार्यालयका १ जना कर्मचारीको कोरोना संक्रमणबाट मृत्यु भएको छ भने ९ जनामा कोरोना पुष्टि भएको छ । जसमध्ये ५ जना अझै उपचाररत छन् ।

प्रशासन कार्यालयले जारी सूचनाअनुसार नयाँ नेपाली नागरिकता वितरण, नागरिकता प्रतिलिपी वितरण, हातहतियार दर्ता र नवीकरण, संस्था दर्ता, पत्रपत्रिका दर्ता र नवीकरण, राहदानी वितरण, नाबालक परिचय पत्र वितरणलगायत सेवा प्रवाह हुने छैन । तर शान्ति सुरक्षा, ठाडो निवेदन र उजुरी, मुद्दा सुनुवाइ र विपद व्यवस्थापनसम्बन्धी सेवा भने सञ्चालनमा रहने सूचनामा उल्लेख छ ।

प्रकाशित : आश्विन २८, २०७७ १९:१४
प्रतिक्रिया
पठाउनुहोस्

सूर्यविनायकले कोभिड अस्पताल बनाउँदै

कान्तिपुर संवाददाता

भक्तपुर — सूर्यविनायक नगरपालिकाले कोभिड विशेष अस्पताल बनाउने प्रक्रिया थालेको छ ।

सूर्यविनायक–८ जगातीस्थित इँटा तथा टायल उद्योग प्रालिले नेपाल सरकारसँग लिजमा लिएको २ सय ६० रोपनी जग्गामध्ये भूकम्पपछि टिम्बर कर्पोरेसनलाई डिपो सञ्चालनका लागि दिइएको भवन र उद्योगले सवारी साधन मर्मत सम्भारका लागि निर्माण गरेको भवनसहित २५ रोपनी क्षेत्रमा अस्पताल बनाउने निर्णय भएको हो ।

नगरपालिकाका सामाजिक विकास समिति संयोजक एवं वडा नम्बर ८ का अध्यक्ष किरण थापाका अनुसार आईसीयू र भेन्टिलेटरसहित ५० शय्याको अस्पताल वीर दल गण सूर्यविनायकको जनश्रमदान र नगरपालिकाको खर्चमा निर्माण गरिनेछ ।

संक्रमितको बढ्दो संख्यालाई मध्यनजर गर्दै नगरपालिकाले १५ दिनमा अस्पताल निर्माण गर्ने तयारी गरेको नगरप्रमुख वासुदेव थापाले बताए ।

प्रकाशित : आश्विन २८, २०७७ १९:०९
पूरा पढ्नुहोस्
प्रतिक्रिया
पठाउनुहोस्
×