सप्तरीमा भदौ २ गतेसम्म थपियो निषेधाज्ञा- प्रदेश २ - कान्तिपुर समाचार

सप्तरीमा भदौ २ गतेसम्म थपियो निषेधाज्ञा

अवधेशकुमार झा

राजविराज — जिल्ला प्रशासन कार्यालय सप्तरीले जिल्लाभरी लगाएको निषेधाज्ञा भदौ २ गते सम्मका लागि बढाएको छ ।

जिल्ला सुरक्षा समिति र जिल्ला संकट व्यवस्थापन केन्द्रको आइतबार बसेको बैठकले सप्तरी जिल्लाभर भदौ २ गते राति ११ बजेसम्मका लागि निषेधाज्ञालाई निरन्तरता दिने निर्णय गरेको प्रमुख जिल्ला अधिकारी शंकरहरि आचार्यले जानकारी दिए ।

यसअघि सप्तरी प्रशासनले साउन ८ गतेदेखि राजविराज नगरपालिका क्षेत्रमा र साउन २० गतेदेखि २६ गते सम्मका लागि जिल्लाभरी नै निषेधाज्ञा लागू गरेको थियो । जिल्लामा कोरोना संक्रमितको संख्या दैनिक रुपमा बढ्न थालेपछि निषेधाज्ञाको समयावधी थपिएको हो ।

प्रशासनले चाडपर्व मनाउँदा निषेधाज्ञाको बर्खिलाप नहुने गरि आफ्नो घरभित्रै सुरक्षित साथ मात्र चाडपर्व मनाउन समेत अनुरोध गरेको छ ।पछिल्लो तथ्यांक अनुसार सप्तरीमा हालसम्म कोरोनाबाट कूल ५ सय ७१ जना संक्रमित भएका छन् । दुईजना संक्रमितको मृत्यु समेत भइसकेको छ ।

प्रकाशित : श्रावण २५, २०७७ १८:००
प्रतिक्रिया
पठाउनुहोस्

बालाजुमा विस्थापितको रिले अनशन [तस्बिरहरु]

तस्बिर : बिजु महर्जन

काठमाडौँ — उपत्यकाव्यापी सडक विस्तार पीडित संघर्ष समितिको अगुवाईमा बालाजु क्षेत्रमा रिले अनशन जारी राखिएको छ । सडक विस्तारको क्रममा बालाजु-बाइपास क्षेत्रमा रहेका दुई घर भत्काइएपछि विस्थापितहरुले शनिबारदेखि रिले अनशन  थालेका हुन् ।बाइपासमा सार्वजनिक बिदा (गाईजात्रा) को अवसरमा ५ वटा डोजरले बाइसधारा र बाइपास जोड्ने सडक खण्डमा रहेका दुई घर भत्काएका थिए ।

अनशनकारीले प्रहरी प्रशासनको रोहबरमा आधार र सूचनाबिना घर भत्काएको आरोप लगाएका छन् ।

अदालतले सडक विस्तार हाललाई रोक्न भन्दै अन्तरिम आदेश दिइए पनि आफूहरुको घर घत्काइएकोमा स्थानीयले विरोध जनाएका छन् ।

प्रकाशित : श्रावण २५, २०७७ १७:४६
पूरा पढ्नुहोस्
प्रतिक्रिया
पठाउनुहोस्
×