सप्तरीमा थप दुईजनामा कोरोना पुष्टि

स्वास्थ्य प्रमुख दुनियालाल यादवका अनुसार संक्रमण पुष्टि भएकाहरु हालै भारतबाट आएर आफ्नै पालिकाको क्‍वारेन्टाइनमा बसेका थिए ।

उनीहरुलाई राजविराजस्थित गजेन्द्रनारायण सिंह अस्पतालमा रहेको आइसोलेसनमा ल्याउने तयारी गरिएको स्वास्थ्य प्रमुख यादवले बताए ।

पछिल्लो पटक पुष्टि भएका २ जनासहित सप्तरीमा कोरोना संक्रमितको संख्या १७ पुगेको छ । बुधबार दिउँसो स्वास्थ्य मन्त्रालयले गरेको नियमित पत्रकार सम्मेलनमा सप्तरीमा एकैदिन ११ जना संक्रमित भएको जानकारी दिइएको थियो ।