महोत्तरीमा प्रहरी र लागूऔषध कारोबारीबीच झडप, प्रहरीको गोली लागी १ को मृत्यु

सुनिता बराल

महोत्तरी — महोत्तरीमा प्रहरी र लागूऔषध कारोबारीबीच झडप हुँदा एक जनाको मृत्यु भएको छ । जिल्ला प्रहरी कार्यालयबाट सादा पोसाकमा खटिएका प्रहरी र लागूऔषध कारोबारीबीच आइतबार राति झडप भएको हो ।

झडपमा प्रहरीको गोली लागेर रामगोपालपुर ७ सहसौलाका १६ वर्षीय राजन यादवको मृत्यु भएको महोत्तरीका प्रहरी प्रमुख श्यामकृष्ण अधिकारीले जानकरी दिए । लागूऔषध कारोबारीले प्रहरीमाथि आक्रमण सुरु गरेपछि गोली चलाउन बाध्य भएको प्रहरीले जनाएको छ । घटनास्थलमा प्रहरीले ६ राउण्ड गोली प्रहार गरेको थियो ।

'लागूऔषध कारोबारीले आक्रमण सुरु गरेपछि आत्मरक्षाका लागि प्रहरीले गोली चलाउँदा घाइते भएका राजनको उपचारको क्रममा मृत्यु भएको हो', एसपी अधिकारीले भने ।

झडपमा घाइते भएका ४ प्रहरीलाई थप उपचारका लागि जनकपुर लगिएको छ । प्रहरीले घटनास्थलबाट लागूऔषध कारोबारी भनिएका ससौलाको २७ वर्षीय राहुल यादव र मृतक राउतका बुबा ५० वर्षीय सुरेन्द्र यादवलाई पक्राउ गरेको छ । उनीहरुको साथबाट प्रहरीले ठूलो परिमाणमा लागूऔषध 'नाइट्रोभेट' समेत बरामद गरेको छ ।


प्रकाशित : जेष्ठ १२, २०७७ १६:१०
प्रतिक्रिया
पठाउनुहोस्

संक्रमित युवकको परिवारमा संक्रमण देखिएन

सुम्निमा चाम्लिङ

इटहरी — कोरोना संक्रमण पुष्टि भएका इटहरी उपमहानगरपालिकाका एक युवकका परिवारसहित सम्पर्कमा आएका सबैको पीसीआर रिपोर्ट नेगेटिभ आएको छ ।


इटहरी उपमहानगरपालिका वडा २ घर भएका संक्रमित युवकको परिवारका सदस्य र छिमेकी सहित २० जनाको रिपोर्ट नेगेटिभ आएको हो ।

इटहरी उपमहानगरपालिकाको स्वास्थ्य शाखा र इटहरी अस्पतालले चार दिनअघि तीनजना आफन्त, ११ जना स्वास्थ्यकर्मी गरी २० जनाको स्वाब संकलन गरी कोसी अस्पताल विराटनगर पठाइएको थियो ।

संक्रमित पुष्टि भए लगतै नगर स्तरीय सुरक्षा बैठकले वडा नम्बर २ र ३ सिल गर्ने निर्णय गरेको थियो । इटहरी अस्पतालका आकस्मिक विभाग प्रमुख रामकुमार धमलाले स्वाब संकलन गरिएको सबैको रिर्पोट नेगेटिभ आएको बताए ।

संक्रमित युवा इटहरीस्थित मामाको घरमा बस्दै आएका थिए ।

प्रकाशित : जेष्ठ १२, २०७७ १५:४८
पूरा पढ्नुहोस्
प्रतिक्रिया
पठाउनुहोस्
×