बारामा निषेधाज्ञा १५ दिन थप 

लक्ष्मी साह

कलैया — जिल्लामा संक्रमितको संख्या बढ्न थालेसँगै जिल्ला प्रशासन कार्यालय बाराले जिल्लाभरि १५ दिनको लागि निषेधाज्ञा थप गरेको छ । 

सोमबार बसेको सुरक्षा समितिको बैठकले जेठ ६ मंगलबार १ बजेदेखि जेठ २० गतेसम्म निषेधाज्ञा जारी गरिएको प्रमुख जिल्ला अधिकारी रुद्रप्रसाद पण्डितले बताए । अति आवश्यक खाद्यन्न, औषधि, निर्माण तथा खाद्यन्नमा प्रयोग गरिने कच्चा पदार्थको ढुवानीबाहेक बाइकदेखि ठूला गाडी चल्नमासमेत रोक लगाइएको निर्णय गरिएको उनले बताए । बारा प्रशासनले बैशाख ३० गतेदेखि निषेधाज्ञा जारी गरेको थियो । निषेधाज्ञाको समय सोमबारसम्म थियो ।

प्रकाशित : जेष्ठ ५, २०७७ १९:१७
प्रतिक्रिया
पठाउनुहोस्
ADVERTISEMENT
ADVERTISEMENT

धनकुटा अस्पतालका एक सय जनाको स्वाब संकलन

जिल्ला अस्पताल धनकुटाका एक स्वास्थ्यकर्मीमा कोरोना संक्रमण पुष्टि भएपछि कर्मचारी तथा स्वास्थ्यकर्मीको स्वाब संकलन गरी परीक्षणका लागि पठाइएको छ ।
रमेशचन्द्र अधिकारी

धनकुटा — जिल्ला अस्पताल धनकुटामा एक स्वास्थ्यकर्मीमा कोरोना संक्रमण पुष्टि भएपछि सोमबार एक सय जनाको स्वाब संकलन गरी परीक्षणका लागि बीपी कोइराला स्वास्थ्य विज्ञान प्रतिष्ठान धरान पठाइएको छ। 

स्वास्थ्य कार्यालय र जिल्ला अस्पतालमा कार्यरत एक सय कर्मचारी तथा स्वास्थ्यकर्मीको स्वाब पठाइएको हो । जिल्ला अस्पतालमा कार्यरत नर्सको सोमबार संक्रमण पुष्टि भएको थियो । उनीसँगै कार्यरत सहकर्मी पनि उच्च जोखिममा रहेकोले स्वाब परीक्षणका लागि पठाइएको स्वास्थ्य कार्यालय प्रमुख तुलसीप्रसाद गुरागाईंले बताए ।

प्रदेश १ का सामाजिक विकासमन्त्री जीवन घिमिरेसहित धनकुटा पुगेको स्वास्थ्यकर्मी प्राविधिकको टोलीले स्वाब संकलन गरेको थियो । संकलित स्वाबको नतिजा मंगलबार आउने जनाइएको छ ।

प्रकाशित : जेष्ठ ५, २०७७ १९:१५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×