संक्रमितको सम्पर्कमा आएकाको रिपोर्ट नेगेटिभ

ओमप्रकाश ठाकुर

सर्लाही — सर्लाहीको हरिपुर्वा नगरपालिका र रामनगर गाउँपालिकाबाट संकलन गरिएको स्वाबको रिपोर्ट नेगेटिभ आएको छ । ५१ जनामध्ये ४९ जनाको स्वाब परीक्षणमा नेगेटिभ आएको छ । दुईजनाको स्वाब पर्याप्त मात्रामा नपुगेकाले रिपोर्ट आएको छैन ।

हरिपुर्वा नगरपालिका–३ धनकौलमा गत मंगलबार एक व्यक्तिमा कोरोना पोजिटिभ देखिएपछि उनका आफन्तसँगै सम्पर्कमा आएका ३० जनाको स्वाब संकलन गरिएको थियो ।

जसमध्ये २८ जनाको परीक्षण सोमबार नेगेटिभ आएको प्रमुख जिल्ला अधिकारी मोहनबहादुर जिसीले जानकारी दिए । उनले दुईजनाको स्वाबको मात्रा नपुगेकाले उनीहरुको रिपोर्ट आउन नसकेको जनाए ।

गत मंगलबार ती पुरुषमा कोरोनाको संक्रमण भएको पुष्टि भएपछि बुधबार संकलन गरिएको स्वाब परीक्षणका लागि जनकपुर प्रादेशिक अस्पतालमा पठाएपनि त्यहाँबाट टेकु पठाउँदा रिपोर्ट आउन ढिला भएको जिल्ला प्रशासन कार्यालयले जनाएको छ ।

यस्तै, रामनगर गाउँपालिका–४ बौहर्वा घर भई काठमाडौं बस्दै आएकी एक युवतीमा गत शनिबार कोरोना पोजिटिभ भएको पुष्टि भएपछि उनका आफन्तसहित क्‍वारेन्टाइनमा राखिएका २१ जनाको स्वाब संकलन गरिएको थियो । उनीहरुको परिक्षणको रिपोर्ट पनि नेगेटिभ आएको प्रजिअ जिसीले बताए । संक्रमण पुष्टि भएकी ती युवती दुई साता अघि मात्र मोटरसाइकलमा काठमाडौं गएकी थिइन् ।

जिल्लामा अहिलेसम्म तीन जनामा कोरोना पोजिटिभ देखिएको छ । उनीहरुको उपचार भइरहेको छ ।

प्रकाशित : जेष्ठ ५, २०७७ १८:०३
ADVERTISEMENT
प्रतिक्रिया
पठाउनुहोस्

गुल्मीका संक्रमित शिक्षक, अर्घाखाँची हुँदै बुटवल आएका थिए

आइसियुका बिरामीमा कोरोना देखिएपछि तिलोत्तमाको क्रमिसन अस्पताल सिल
माधव ढुंगाना, घनश्याम गौतम

रुपन्देही — आइसियुमा उपचाररत बिरामीमा कोरोना संक्रमण पुष्टि भएपछि रुपन्देहीको मणिग्रामस्थित क्रिमसन अस्पताल सिल गरिएको छ । गुल्मीको मदाने गाउँपालिका–६ पुर्कोटदहका ४१ वर्षिय शिक्षकमा संक्रमण पुष्टि भएको हो । उनी दमको रोगी भएको र अवस्था गम्भीर रहेको बताइएको छ ।

उच्च ज्वरो र स्वासप्रस्वासमा समस्या भएपछि उनी जेठ १ गते अस्पताल भर्ना भएका अस्पतालका प्रशासकीय अधिकृत मनमोहन भट्टराईले बताए । अहिले उनलाई उपचारका लागि भैरहवाको भीम अस्पताल लगिएको छ ।

कोरोनासँग मिल्दोजुल्दो लक्षण देखिएपछि अस्पतालले तीन दिनअघि स्वाब संकलन गरी परीक्षणका लागि भैरहवास्थित प्रदेश जनस्वास्थ्य प्रयोगशालामा पठाएको थियो । स्वासप्रश्वासमा समस्या देखिएपछि गुल्मी, अर्घाखाँची हुँदै बुटवलको मणिग्रामस्थित क्रिमसन अस्पतालमा उपचारका लागि भर्ना भएका थिए ।

श्वासप्रश्वासमा समस्या देखिएपछि उनले स्थानीय मेडिकलमा परीक्षण गराएका थिए । त्यहाँबाट अर्घाखाँचीस्थित छायाँ मेडिकल हलमा परीक्षण गरेका थिए । मेडिकलमा परीक्षण गराउँदा फोक्सोमा समस्या देखिएपछि थप उपचारका लागि बुटवल पठाइएको थियो ।

स्थानीयका अनुसार मदाने गाउँपालिकाले उनको घरनजिकै ज्वरो क्लिनिक राखेको थियो । त्यहाँ भारत र तेस्रो मुलुकबाट आउनेको ज्वरो र स्वास्थ्य परीक्षण गर्ने गरिएको थियो । संक्रमण देखिएका उनको जेठ २ मा स्वाब संकलन गरेर परीक्षणका लागि पठाइएको थियो ।

प्रकाशित : जेष्ठ ५, २०७७ १७:४७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×