काठमाडौँ — राष्ट्रिय सभा निर्वाचनका लागि प्रदेश–२ मा सत्तारुढ नेकपा र राजपाले संयुक्त रुपमा निर्वाचन कार्यालय पुगेर उम्मेदवारी दर्ता गराएका छन् । ४ सदस्यका लागि हुने निर्वाचनमा नेकपा र राजपाले २/२ सिटमा तालमेल गरेका छन् ।
राष्ट्रिय सभा निर्वाचनमा राजपाले मृगेन्द्रसिंह यादवलाई अन्य समूहबाट र शेखरकुमार सिंहलाई अल्पसंख्यक समूहबाट उम्मेदवार बनाएको छ ।
नेकपाले महिला समूहबाट तुलसा दाहाल र दलित समूहबाट राधेश्याम पाशवानलाई उम्मेदवार बनाएको छ ।