यौन दुर्व्यवहारको आरोपमा युवक पक्राउ

इलाका प्रहरी कार्यालय काँकडभिट्टाका अनुसार पक्राउ पर्नेमा मेचीनगर–६ बर्मेली बस्तीका अन्दाजी २२ वर्षीय सोनम तामाङ छन् । उनले अन्दाजी १५ वर्षीया एक किशोरीलाई यौनजन्य दुर्व्यवहार गरेका थिए । बिरामी हजुरबा र आमाको सहयोगीको रुपमा बसेकी ती किशोरीलाई छिमेकी तामाङले पटकपटक यौन दुर्व्यवहार गर्दै आएको पीडितले प्रहरीलाई वयान दिएकी छन् ।

इलाका प्रहरी कार्यालय काँकडभिट्टाका डिएसपी राजेन्द्र पोख्रेलले तामाङलाई पक्राउ गरी हिरासतमा राखेर अनुसन्धान गरिरहेको बताए । बाल यौन दुर्व्यवहार गर्नेलाई तीन वर्षसम्म जेल सजाय हुन सक्ने कानुनी व्यवस्था छ । पोख्रेलले भने,‘अनुसन्धानबाट अरु घटनासमेत खुले थप सजाय हुन सक्ने छ ।’