कटुवा पेस्तोलसहित एक जना पक्राउ- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

कटुवा पेस्तोलसहित एक जना पक्राउ

भरत जर्घामगर

सिरहा — प्रहरीले सिरहाको औरही गाउँपालिका–५ बाट शनिबार कटुवा पेस्तोलसहित एक जनालाई पक्राउ गरेको छ । 

जिल्ला प्रहरी कार्यालय सिरहाका अनुसार औरही गाउँपालिका–५ का २२ वर्षीय रबिन दासलाई कटुवा पेस्तोल र सोमा लाग्ने तीन थान गोलीसहित पक्राउ गरेको हो । औरही गाउँपालिका–५ कै विनोदकुमार यादवलाई पुरानो रिसइबीको कारण दासले कन्चटमा गोली ताकेको भन्दै स्थानीयले प्रहरीमा खबर गरेपछि उनलाई पक्राउ गरिएको हो ।

घटनाबारे अनुसन्धान भइरहेको प्रहरीले जनाएको छ ।

प्रकाशित : मंसिर ६, २०७७ १६:४३
प्रतिक्रिया
पठाउनुहोस्

काठमाडौं उपत्यकामा २४ घण्टामा थपिए ८९९ कोरोना संक्रमित

कान्तिपुर संवाददाता

काठमाडौँ — पछिल्लो २४ घण्टामा काठमाडौं उपत्यकामा ८९९ जना कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

शनिबार संक्रमित पुष्टि हुनेमा ३८७ महिला र ५१२ पुरुष रहेका छन् ।

काठमाडौंमा ६८५, भक्तपुरमा ४९ र ललितपुरमा १६५ जना नयाँ संक्रमित थपिएका हुन् । देशभर शनिबार संक्रमित पुष्टि हुनेमा १ हजार ६७४ जना रहेका छन् ।

यस्तै, पछिल्लो २४ घण्टामा कोरोनाबाट २ हजार ३ सय २३ जना निको भएका छन् भने ७ जनाको मृत्यु भएको छ ।

प्रकाशित : मंसिर ६, २०७७ १६:२४
पूरा पढ्नुहोस्
प्रतिक्रिया
पठाउनुहोस्
×