धनकुटा — धनकुटाका एक कोरोना संक्रमित वृद्धको उपचारका क्रममा आइतबार मृत्यु भएको छ । पाख्रीबास नगरपालिका–३ का ७२ वर्षीय वृद्धको धरानस्थित बीपी कोराइला स्वास्थ्य विज्ञान प्रतिष्ठानमा दिउँसो करिब एक बजे मृत्यु भएको अस्पताल स्रोतले जनाएको छ ।
उनलाई तीन दिनअघि कोरोना संक्रमण पुष्टि भएको थियो । संक्रमणका कारण गम्भीर भएपछि उनलाई शनिबार प्रतिष्ठानको कोभिड अस्पतालमा भर्ना गरिएको सहप्रवक्ता डा.आशिष श्रेष्ठले जानकारी दिए ।