संखुवासभामा चितुवाको आक्रमणबाट ३ घाइते
संखुवासभा — संखुवासभाको धर्मदेवी नगरपालिका-४ स्थित हुम्लिङ्गमा चितुवाको आक्रमणबाट ३ जना घाइते भएका छन् ।
बिहीबार चितुवाको आक्रमणबाट ७६ वर्षीय धनबहादुर घिमिरे, २५ वर्षीय गणेश घिमिरे, ४० वर्षीय टंक श्रीपाली बस्नेत घाइते भएको जिल्ला प्रहरी कार्यालयका डीएसपी नवराज मल्लले बताए ।
चितुवाको आक्रमणमा परी १२ बढी बाख्रा मरेका छन् । बाख्राको खोरमा चितुवा देखेपछि स्थानीयले प्रतिकार गर्ने क्रममा चितुवा मारिएको छ ।
घाइतेहरुको प्राथमिक स्वास्थ्य केन्द्र चैनपुरमा उपचार भइरहेको छ ।
प्रकाशित : कार्तिक ६, २०७७ १७:४८प्रतिक्रिया