झापामा दुवै हात बाँधेर हत्या गरेको अवस्था महिलाको शव फेला- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

झापामा दुवै हात बाँधेर हत्या गरेको अवस्था महिलाको शव फेला

अर्जुन राजवंशी

बिर्तामोड — झापाको गौरादह नगरपालिकामा एक महिलाको हत्या भएको छ । दुवै हात बाँधेको अवस्थामा ६५ वर्षीया पार्वता भण्डारीको शव गौरादह-१ स्थित आफ्नै घरभित्रको खाटमुनि फेला परेको छ ।

घरमा एक्लै रहेको अवस्थामा महिलाको हत्या भएको मृतकका देवर खगेन्द्र भण्डारीले जानकारी दिए । घटनाको अनुसन्धानका लागि प्रदेश प्रहरी कार्यालय विराटनगरबाट विशेष सुरक्षा टोली र धरानबाट तालिम प्राप्त कुकुरसहितको टोली घटनास्थलतर्फ जाँदै गरेको प्रहरी नायब महानिरीक्षक ईश्वरबाबु कार्कीले बताए ।

घटना भएको गौरादहस्थित घरमा सोमबार बिहान साढे ११ बजेतिर मात्र मृतक र उनका श्रीमान भीम भण्डारी आइपुगेका थिए । भण्डारी दम्पतीको पुरानो घर कमल गाउँपालिका १ ढ्याङग्री भन्ने स्थानमा रहेको छ । उनीहरु नातिनातिना पढाउनका लागि ५ वर्ष अघिदेखि गौरादहमा घर किनेर बसोबास गर्दै आएका थिए । कोरोनाका कारण विद्यालय बन्द भएपछि करिब ३ महिनादेखि उनीहरु ढ्याङग्रीस्थित घरमा बस्दै आएका थिए ।

‘आज (सोमबार) मात्र दाजु–भाउजु ढ्याङग्रीबाट गौरादह आउनु भएको थियो,’ मृतकका कान्छा देवर खगेन्द्रले भने,‘आएर दुवै जनाले घर सरसफाई गर्नु भएको रहेछ । त्यसपछि दाजु गौरादह बजारतिर निस्किनु भएछ । करिब ४ बजेतिर फर्किदा भाउजुको हत्या भएको अवस्थामा शव फेला परेको हो ।’

प्रकाशित : आश्विन १२, २०७७ १९:०१
प्रतिक्रिया
पठाउनुहोस्

पर्साका कोरोना संक्रमित स्वास्थ्यकर्मीको काठमाडौंमा मृत्यु

भूषण यादव

वीरगन्ज — पर्साको जगरनाथपुर गाउँपालिकामा कार्यरत एक स्वास्थ्यकर्मीको उपचारको क्रममा काठमाण्डाँैमा मृत्यु भएको छ । जिल्ला जनस्वास्थ्य कार्यालय पर्साका अनुसार महोत्तरी निवासी जगरनाथपुर गाउँपालिकाको स्वास्थ्य शाखामा कार्यरत ५८ वर्षीय अहेब रामशिकल साहको सोमबार मृत्यु भएको हो ।

तस्बिरः सटरस्टक ।

जिल्ला जनस्वास्थ्य निरीक्षक जयमोद ठाकुरका अनुसार काठमाण्डौंको बुढानिलकण्ठस्थित करुणा अस्पतालमा उपचारको क्रममा सोमबार बिहान साढे ८ बजे उनको मृत्यु भएको हो ।

सुत्केरी छोरी भेटन करिब एक महिनाअघि भारत बिहारको माधोपुर पुगेका साहको स्वास्थ्यमा समस्या देखिएपछि उनको स्वाब परीक्षण गर्दा कोरोना संक्रमण देखिएको थियो । माधोपुरबाट फर्किएर उनी एक हप्ता जनकपुरको कोरोना अस्पतालमा भर्ना भएका थिए । जनकपुरमा दोस्रो पटक स्वाब परीक्षण गर्दा रिपोर्ट नेगेटिभ आएपनि स्वास्थ्यमा सुधार भने देखिएको थिएन ।

आफन्तले थप उपचारका लागि उनलाई काठमाडौं लगे । जगरनाथपुर गाउँपालिकाका स्वास्थ्य प्रमुख परबेन्द्र साहका अनुसार काठमाडौंको करुणा अस्पताल भर्ना भएका साहको पुन: स्वाब परीक्षण गर्दा असोज ७ गते कोरोना पाजिटिभ देखिएको थियो । भेन्टिलेटरमा राखि उपचार भइरहेको साहको चौथो दिन सोमबार मृत्यु भएको साहले जनाए ।

प्रकाशित : आश्विन १२, २०७७ १९:००
पूरा पढ्नुहोस्
प्रतिक्रिया
पठाउनुहोस्
×