शरीर बन्धक मुद्दामा गाउँपालिका अध्यक्ष पक्राउ- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

शरीर बन्धक मुद्दामा गाउँपालिका अध्यक्ष पक्राउ

टीकाप्रसाद भट्ट

रामेछाप — रामेछापको लिखु तामाकोशी गाउँपालिकाका अध्यक्ष गोविन्दबहादुर खड्का शरीर बन्धक अभियोगमा शुक्रबार पक्राउ परेका छन् ।

गाउँपाकिलाबाट रकम विनियोजन भएको योजनामा उपभोक्ता समितिका अध्यक्षलाई शरीर बन्धक बनाई जबरजस्ती चेकमा दस्तखत गर्न लगाएको अभियोगमा खड्कालार्ई पक्राउ गरीएको जिल्ला प्रहरी कार्यालय रामेछापका प्रमुख बसन्त पाठकले जानकारी दिएका छन् ।

शुक्रबार धोविबाट प्रहरीले नियन्त्रणमा लिएका खड्काको प्राथमिक स्वास्थ्य परीक्षण गरी अनुसन्धानका लागि प्रहरी हिरासतमा राख्न रामेछाप जिल्ला अदालतबाट ७ दिनको म्याद थप गरिएको प्रहरीले जनाएको छ ।

लिखु तामाकोशी गाउँपालिकाको गत आर्थिक बर्ष धोविबजार क्षेत्रमा सडक र नाला सुधारका लागि विनीयोजित २५ लाख रकमबाट निर्माण कार्य गरेका उपभोक्ता समितिका अध्यक्ष दर्पण लामाले अध्यक्ष खड्काविरुद्ध शरीर बन्धक जाहेरी गरेका थिए ।

प्रहरी नायब उपरिक्षक पाठकका अनुसार खड्काविरुद्ध अन्य जाहेरी पनि प्रहरीमा परेका छन् । गाउँपालिकालाई आवश्यक पर्ने जग्गा भनेर स्थानीय शेरबहादुर खड्कासँग २१ रोपनी जग्गा आफ्नी बहिनीको नाममा पारित गराएकोसमेत जाहेरी परेको प्रहरीले जनाएको छ । अध्यक्ष खड्का नेकपाबाट निर्वाचित हुन् ।

प्रकाशित : श्रावण ३०, २०७७ १६:३०
प्रतिक्रिया
पठाउनुहोस्

२४ घन्टामा थप ५९४ जनामा कोरोना संक्रमण

कान्तिपुर संवाददाता

काठमाडौँ — पछिल्लो २४ घन्टामा थप ५९४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । 

मन्त्रालयले शुक्रबार आयोजना गरेको नियमित कोरोना मिडिया ब्रिफिङमा प्रवक्ता डा जागेश्वर गौतमले संक्रमितको संख्या २५ हजार ५५१ पुगेको जनाए ।

त्यसैगरी पछिल्लो २४ घन्टामा कोरोना संक्रमणबाट मुक्त भइ घर फर्किनेको संख्या २४० जना रहेको छ । यो सँगै हालसम्म निको हुनेको संख्या १७ हजार ७७ पुगेको छ ।

मन्त्रालयका अनुसार शुक्रबारसम्म पीसीआर विधिबाट ४ लाख ९४ हजार ६१३ परीक्षणहरु गरिएका छन् । त्यसैगरी २४ घन्टामा जम्मा ११ हजार ५ सय ७५ पीसीआर परीक्षण भएका छन् ।

हालसम्म क्वारेन्टाइनमा रहनेको संख्या १४ हजार ६ सय ३८ जना रहेका छन् । त्यसैगरी आइसोलेसनमा रहनेको संख्या ७ हजार ९१३ जना रहेको छ ।

जिल्लागत नयाँ संक्रमितको तथ्यांक

  • काठमाडौं ८३
  • पर्सा ७१
  • मोरङ ६३
  • धनुषा ५५
  • ललिपतुर ३०
  • सुनसरी २४
  • महोत्तरी २४
  • बारा २२
  • बाँके २२
  • तनहुँ २२
  • सुर्खेत २१
  • मकवानपुर १९
  • रुपन्देही १४
  • चितवन १४
  • सर्लाही १४
  • सप्तरी १४
  • सिन्धुली ११
  • झापा ९
  • कैलाली ६
  • भक्तपुर ६
  • रौतहट ५
  • बर्दिया ५
  • कपिलवस्तु ५
  • सिराह ३
  • दैलेख ३
  • हुम्ला ३
  • कैलाली ३
  • कञ्‍चनपुर २
  • नवलरासीपूर्व २
  • बारा २
  • उदयपुर १
  • नुवाकोट १
  • सिन्धुलाल्चोक १
  • बाजुरा १
  • धादिङ १
  • दोलखा १
  • कास्की १
  • लमजुङ १
  • पर्वत १
  • स्याङ्जा १
  • दाङ १
  • अछाम १
  • सल्यान १
  • बझाङ १

प्रकाशित : श्रावण ३०, २०७७ १६:२९
पूरा पढ्नुहोस्
प्रतिक्रिया
पठाउनुहोस्
×