कान्तिपुर वेबसाईट
AdvertisementAdvertisement

आकस्मिकबाहेकका सेवा बन्द गर्न चिकित्सक संघको आग्रह

कान्तिपुर संवाददाता

मोरङ — नेपाल चिकित्सक संघ कोसी अञ्चल समितिले विराटनगरमा चिकित्सक तथा स्वाथ्यकर्मीहरूमा कोरोना संक्रमण भएकाले सबै अस्पतालको आकस्मिकबाहेकका सेवा बन्द गर्न आग्रह गरेको छ ।

संघका अध्यक्ष डा.फरवार्ड सिलवालले शनिबार विज्ञप्ति जारी गरी महानगरका सम्पूर्ण अस्पताल, नर्सिङ होम, मेडिकल कलेज, आँखा अस्पताल, निजी क्लिनिकहरूमा समेत आकस्मिक सेवाबाहेकका सेवा बन्द गर्न आग्रह गरेका हुन् ।

घरबाटै टेलिफोन तथा अन्य प्रविधिमार्फत बिरामीहरूलाई स्वास्थ्य परामर्श प्रदान गर्न पनि चिकित्सकहरूलाई आग्रह गरिएको छ । आकस्मिकबाहेक अन्य सेवाका लागि अस्पताल नजान पनि सर्वसाधारणलाई आग्रह गरिएको छ । महानगरमा तीव्र गतिमा फैलिएको कोभिड–१९ संक्रमणको शृंखला तोड्नका लागि गरिएको लकडाउन पूर्ण पालना गर्नसमेत विज्ञप्तिमा आग्रह गरिएको छ ।

प्रकाशित : श्रावण १७, २०७७ २१:५१
प्रतिक्रिया
पठाउनुहोस्

डुंगा दुर्घटना हुँदा १ को मृत्यु, २ घाइते

रासस

इनरुवा — सुनसरीको बराहाक्षेत्र नगरपालिका–१ कोशीगढमा शनिबार डुङ्गा (नाउ) दुर्घटना हुँदा एक जनाको मृत्यु भएको छ भने दुई घाइते भएका छन् । मृत्यु हुनेमा भोजपुर आपचोक गाउँपालिका–८ का २० वर्षीय राजकुमार राई रहेको इलाका प्रहरी कार्यालय बराह क्षेत्रले जनाएको छ ।

दुर्घटनामा परेर भोजपुर आपचोक गाउँपालिका–८ का शङकर राई र अजय राई घाइते भएको र उनीहरुको उपचार भइरहेको प्रहरीले जनाएको छ ।

बराह क्षेत्रबाट उदयपुर हुँदै भोजपुर जाने क्रममा डुङ्गा दुर्घटना हुँदा राजकुमारको घटनास्थलमै मृत्यु भएको इलाका प्रहरी कार्यालय बराह क्षेत्रका प्रहरी निरीक्षक पाण्डव राजवंशीले बताए । मृतक राईको शव परीक्षणका लागि धरानस्थित विपी कोइराला स्वास्थ्य विज्ञान प्रतिष्ठान पठाइएको छ ।

प्रकाशित : श्रावण १७, २०७७ २१:३५
पूरा पढ्नुहोस्
प्रतिक्रिया
पठाउनुहोस्
×