कान्तिपुर वेबसाईट
AdvertisementAdvertisement

प्रदेश १ को प्रहरी विधेयक सर्वसम्मतिले पारित

कान्तिपुर संवाददाता

मोरङ — प्रदेश १ सभाले प्रदेश प्रहरी सम्बन्धमा व्यवस्था गर्न बनेको विधयेक सोमबार सर्वसम्मतिले पारित गरेको छ ।

उक्त विधेयकमा संशोधनका लागि प्रमुख प्रतिपक्षी दलका लोकप्रसाद संग्रौला र शिवनारायण गनगाई, सत्तारुढ दल नेकपाका प्रमुख सचेतक बुद्धिकुमार राजभण्डारी, उमिता विश्वकर्मालगायतले प्रदेशसभामा प्रस्तुत गरेका थिए ।

प्रदेश १ का आन्तरिक मामिला तथा कानून मन्त्री हिक्मत कार्कीले उक्त विधयेकमाथिको संशोधन प्रस्ताव फिर्त्ता लिन आग्रह गरेपछि सबैले फिर्त्ता लिएका थिए ।

‘नयाँ प्रहरी महानिरीक्षक आएसँगै प्रहरी समायोजन प्रक्रिया सुरु हुने अवस्थामा ऐन पारित गरेर नियमावली, निर्देशिकासमेत निर्माण गर्नुपर्ने हतारो छ,’ मन्त्री कार्कीले भने, ‘संशोधन प्रस्तावमा उल्लेख भएका अधिकार प्राप्तिका लागि क्रमिक रुपमा संघीय सरकारसँग सबै एकजुट भएर संघर्ष गर्नु अहिलेको आवश्यकता हो ।’

मन्त्री कार्कीको आग्रहमा सबै जनाले संशोधन प्रस्ताव फिर्त्ता लिएपछि सर्वसम्मतिले पारित गरेको छ ।

प्रकाशित : असार २९, २०७७ १८:२३
प्रतिक्रिया
पठाउनुहोस्

पोर्न साइट बनाएर अश्‍लिल भिडियो अपलोड गरेको अभियोगमा पक्राउ

कान्तिपुर संवाददाता

काठमाडौँ — प्रहरीले पोर्न साइट बनाएर चलाएको आरोपमा एक जनालाई पक्राउ गरेको छ । साइबर ब्युरोले गोंगबुका २३ वर्षीय सुरज श्रेष्ठलाई अनधिकृत रुपमा पोर्न साइट बनाएर भिडियो राखेको आरोपमा पक्राउ गरेको हो । 

श्रेष्ठले चितवनकी एक १७ वर्षीया किशोरीको अश्लिल भिडियो पोर्न साइटमा हालेको अभियोगमा शनिबार पक्राउ गरिएको एसएसपी नविन्द अर्यालले बताएका छन् । श्रेष्ठले ती बालिकाको भिडियो पोर्न साइटमा अपलोड गरेपछि पीडितको तर्फबाट साइबर ब्युरोमा उजूरी परेको थियो ।

उनलाई ७ दिनको म्याद थप गरेर अनुसन्धान भइरेहको प्रहरीले जनाएको छ । प्रहरीले श्रेष्ठलाई विद्युतीय कारोबार ऐन २०६३ को परिच्छेद-९ मा उल्लखित कसुरमा पक्राउ गरी अनुसन्धान प्रक्रिया अगाडी बढाएको हो ।

प्रकाशित : असार २९, २०७७ १८:१३
पूरा पढ्नुहोस्
प्रतिक्रिया
पठाउनुहोस्
×