सोलुखुम्बुमा बाबुको हत्या आरोपमा युवक पक्राउ
विराटनगर — बाबुको हत्या गरेको आरोपमा सोलुखुम्बुमा एक युवकलाई प्रहरीले पक्राउ गरेको छ । सोलुखुम्बुको महाकुलुङ गाउँपालिका वडा नम्बर ४ का १९ वर्षीय कुबेर राईलाई प्रहरीले पक्राउ गरेको हो ।
बिहीबार राति घरायसी विवादका क्रममा उनले ५७ वर्षीय बाबु सन्तकुमारलाई आगो फुक्ने फलामे ढुंग्रोले हानेर हत्या गरेको प्रदेश १ प्रहरी कार्यालयले जनाएको छ ।
ढुंग्रोले टाउकोमा प्रहार गरिएका सन्तबहादुरको घटनास्थलमै मृत्यु भएको थियो । जिल्ला प्रहरी कार्यालय सोलुखुम्बुको टोली गएर ती युवकलाई नियन्त्रणमा लिएको थियो ।
घटनाबारे थप अनुसन्धान भइरहेको प्रहरीले जनाएको छ ।
प्रकाशित : जेष्ठ ३०, २०७७ १४:५४प्रतिक्रिया
