खोटाङमा खुकुरी प्रहारबाट १ को मृत्यु, १ जना घाइते
उदयपुर — खोटाङको केपिलासगढी गाउँपालिका–२ खार्ताम्छामा खुकुरी प्रहारबाट १ जनाको मृत्यु भएको छ । अर्का एक जना घाइते भएका छन् ।
![](https://assets-cdn.ekantipur.com/uploads/source/ads/comp-900x100-1672024010950.gif)
आइतबार बिहान पौने ९ बजे खार्ताम्छामा ३६ वर्षीय शुभराज राईले स्थानीय ६५ वर्षीय डिल्लीराज राई र उनकी श्रीमती ६२ वर्षीया सममाया राईलाई खुकुरी प्रहार गरी घाइते बनाएका थिए ।
घाइते दुवै जनालाई उपचारका लागि हेलिकप्टरद्वारा काठमाडौं पठाउने तयारी हुँदै गर्दा डिल्लीराजको मृत्यु भएको १ नम्बर प्रदेश प्रहरी कार्यालय विराटनागरका प्रवक्ता प्रहरी नायब उपरीक्षक सुमनकुमार तिमिल्सिनाले बताए । उनका अनुसार अर्का घाइते सममायालाई हेलिकप्टरमार्फत काठमाडौं पठाइएको छ ।
खुकुरी प्रहार गर्ने शुभराजलाई प्रहरीले नियन्त्रणमा लिई अनुसन्धान गरिरहेको जिल्ला प्रहरी कार्यलाय खोटाङले जनाएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)
प्रतिक्रिया