ट्रयाक्टरबाट लडेर युवकको मृत्यु
विराटनगर — पूर्वपश्चिम राजमार्गको मोरङ खण्डमा ट्रयाक्टरबाट लडेर सोमबार एक युवकको मृत्यु भएको छ ।
मोरङको कानेपोखरी गाउँपालिका ५ मा ट्रयाक्टरबाट लडेर स्थानीय २७ वर्षीय प्रवीण राईको मृत्यु भएको प्रहरीले जनाएको छ । को २ त २४५९ नम्बर ट्रयाक्टरमा सवार उनी अचानक लडेर सख्त घाइते भएका थिए ।
प्रहरीका अनुसार उपचारका लागि लैजाने क्रममा उनको बाटैमा मृत्यु भएको हो ।
प्रकाशित : जेष्ठ १२, २०७७ १५:४१प्रतिक्रिया
