घूस दिएको आरोपमा सिँचाइ डिभिजन प्रमुख पक्राउ

अख्तियार दुरुपयोग नियन्त्रण आयोगको टोलीले उनलाई बुधबार पक्राउ गरेको हो । झाले आर्थिक मामिला तथा योजना मन्त्रालयको बजेट योजना तथा कार्यक्रम महाशाखामा कार्यरत शाखा अधिकृत विदुर पौडेललाई १० हजार रकम दिन खोजेको आयोगले जनाएको छ । आयोगका अनुसार कर्मचारीले लिन नमानेपछि झाले रकम खाममा हालेर कार्यकक्षको टेबलको घर्रामा राखिदिएका थिए । झाले आफूले पौडेललाई १० हजार नगद खाममा राखेर टेबलमा राखिदिएको तर पौडेलले अस्वीकार गरेको बयान दिएका छन् ।

आफूलाई जबर्जस्ती रकम दिन खोजको भन्दै पौडेलले भष्ट्राचारजन्य कसुरमा सजाय गराई पाउँ भनी निवेदन दिएका थिए । यो जानकारी पाएपछि प्रदेश १ का मुख्यमन्त्री शेरधन राईले घटनामा संलग्नलाई अख्तियारमा बुझाउन निर्देशन दिएका थिए । लगत्तै अख्तियारको इटहरीस्थित कार्यालयको टोलीले झालाई पक्राउ गरेको हो ।