उदयपुर — जिल्लाको कटारी नगरपालिका–३ राजावसमा बिहीबार साँझ चट्याङले लागेर एक वृद्धाको मृत्यु भएको छ । घर नजिकैको ककुर खोलामा गाईवस्तु चराउँदै गरेका ६१ वर्षीय लिलबहादुर सुनुवारको वर्षात्सँगै परेको चट्याङले लागेर घटनास्थलमै मृत्यु भएको प्रहरीले जनाएको छ ।
गाईवस्तु घर आए पनि गोठालो गएका लिलबहादुर नफर्किएपछि खोज्न जाँदा मृत अवस्थामा भेटिएको इलाका प्रहरी कार्यालय कटारीका प्रहरी नायव उपरीक्षक प्रेमसागर केसीले बताए । उनका अनुसार सुनुवारको छातीमा चट्याङको दाग देखिएको छ ।