संखुवासभाकी एक महिलामा आरडीटी पोजिटिभ

३० वर्षीया ती महिलामा आइतबार गरिएको ऱ्यापिड टेस्टमा एन्टिबडी पोजिटिभ देखिएको हो । अब उनको स्वाबको पीसीआर परीक्षण गरिने जिल्ला स्वास्थ्य कार्यालयले जनाएको छ । स्वास्थ्य कार्यालयका सूचना अधिकारी रोशन श्रेष्ठका अनुसार ती महिलाको सोमबार बिहान स्वाव संकलन गरेर प्रदेश जनस्वास्थ्य प्रयोगशाला विराटनगर पठाइएको छ ।

सोमबार पहिलो चरणमै परिणाम आउने उनले बताए । ऱ्यापिड टेस्टमा एन्टिबडी पोजिटिभ देखिए पनि आत्तिहाल्ने अवस्था नरहेको सूचना अधिकारी श्रेष्ठले बताए । ती महिलालाई नुनढाकीमा रहेको क्वारेन्टाइनमा छुट्टै राखिएको छ ।