भारत घुमेर फर्केका ९ जना क्‍वारेन्टाइनमा- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

भारत घुमेर फर्केका ९ जना क्‍वारेन्टाइनमा

चन्द्र कार्की

तेह्रथुम — भारतको दार्जिलिङ र पश्चिम बंगाल क्षेत्रमा 'फेरी' लगाएर फर्किएका ९ जनालाई फेदाप गाउँपालिकाले तयार गरेको क्‍वारेन्टाइनमा राखिएको छ ।

लकडाउनको समयमा भारतको सुकीय र मानेभञ्ज्याङ क्षेत्रबाट भागेर पशुपतिनगर नाका हुँदै नेपाल छिरेका उनीहरुलाई ईलाम प्रहरीले नियन्त्रणमा लिएर फेदाप पठाएको हो । आठराई गाउँपालिकाको चुहानडाँडास्थित मङसारी बस्तीसम्म आइपुगेका उनीहरुलाई फेदाप गाउँपालिकाले सवारी पठाएर ल्याएको हो । उनीहरु सबैलाई अहिले कोरोना संक्रमणको आशंकामा क्‍वारेन्टाइनमा राखिएको गाउँपालिका अध्यक्ष हरिप्रसाद चोङवाङले बताए ।


स्वास्थ्य चौकी पोक्लावाङमा निर्माण गरिएको क्‍वारेन्टाइनमा राखिएका उनीहरु सबैको स्वास्थ्य अवस्था सामान्य रहेको स्वास्थ्यकर्मीको भनाइ छ ।


प्रकाशित : चैत्र २१, २०७६ १७:५१
प्रतिक्रिया
पठाउनुहोस्

भाउजूको हत्यामा संलग्‍न देवरहरु सार्वजनिक 

चन्द्र कार्की

तेह्रथुम — आठराई गाउँपालिका-४ ईवा तीनसल्लेकी २८ वर्षीया विन्दा पुरीको हत्या उनकै दुई देवरहरुले गरेको खुलेको छ । प्रहरीले विन्दाको हत्यामा संलग्‍न उनका दुई देवरहरुलाई सोमबार सार्वजनिक गरेको छ ।

२८ वर्षीया पुरीको हत्यामा संलग्‍न भएको आरोपमा प्रहरीले २५ वर्षीय बालकृष्ण पुरी र ३२ वर्षीय सुरेन्द्र पुरीलाई सोमबार जिल्ला प्रहरी कार्यालयमा सार्वजनिक गरेको हो । हत्यामा संलग्‍न दुवै जनालाई झापाको बुधबारेमा फेला पारी इलाका प्रहरी कायालय इटहरी मार्फत् पक्राउ गरी जिल्लामा ल्याइएको प्रहरी नायब उपरीक्षक नविनकिशोर प्रधानले बताए ।

गत बिहीबार उनीहरुले धारिलो हतियार प्रयोग गरी विन्दाको हत्या गरी फरार थिए ।

आर्थिक विषय निकालेर उनीहरुले भाउजूको हत्या गरेको अनुसन्धानबाट खुलेको प्रहरीले जनाएको छ । भाउजूको हत्या योजना बनाएर दुवै दाजुभाइ झापादेखि गाडी रिजर्भ गरेर विन्दाको घरमा आएका थिए ।

सुरुमा डोरीले घाँटी कसेर हत्या गर्ने प्रयास गरेको तर मृत्यु नहुँदै डोरी चुँडिएपछि साथमै ल्याएको छुरीले घाँटी रेटेर विन्दाको हत्या गरेको अनुसन्धान बाट खुलेको डीएसपी प्रधानले जानकारी दिए ।

प्रकाशित : चैत्र ३, २०७६ १९:४२
पूरा पढ्नुहोस्
प्रतिक्रिया
पठाउनुहोस्
×