कांग्रेस कार्यसमितिको म्याद डेढ वर्ष थपिन्छ : महामन्त्री कोइराला

उनले संविधान अनुसार पार्टी अघि बढाउन प्रदेश कार्यसमिति तदर्थ बनाउनुको विकल्प नभएको बताए । पार्टीको विधानमा प्रदेशको तदर्थ कार्यसमिति बनाउने व्यवस्था नभए पनि संविधान अनुकुल चल्नका लागि त्यस्तो गर्नु आवश्यक भएको कोइरालाको भनाइ थियो ।

उनले हिन्दु राष्ट्रको मुद्दाबाट पछि हट्दै मुलुकमा धर्म स्वतन्त्र हुनुपर्ने बताए । मुलुक धर्म निरपेक्षभन्दा धार्मिक स्वतन्त्रताका लागि जनमत संग्रह गर्नुपर्ने कोइरालाको भनाइ छ ।

उनले नेकपाको दुई तिहाइको सरकार असफल भइसकेको दाबी गरे । दुई तिहाइको सरकारले दुई वर्षमा गरिब विपन्न लक्षितका साथै कुनैपनि ठूला ठोस योजना ल्याउन नसकेको उनको भनाइ थियो । अहिलेको सरकारले कार्यान्वयनमै रहेका योजनाहरुलाई अघि बढाइरहेको उनको दाबी छ ।