कोरोना संक्रमित विराटनगर-६ की ९० वर्षीया वृद्धा ११ दिनमै निको भएर बुधबार घर फर्केकी छन् । कोरोना संक्रमण पुष्टि भएपछि उनी साउन १० गते कोसी अस्पतालको कोभिड १९ उपचार केन्द्रमा भर्ना भएकी थिइन् ।

विराटनगर महानगरपालिकाका कोरोना संक्रमित एक पुरुषको सोमबार उपचारको क्रममा मृत्यु भएको छ । विराटनगर-५ का ७७ वर्षीय ती पुरुषको कोसी अस्पतालमा उपचारको क्रममा मृत्यु भएको हो । योसँगै मोरङमा कोरोनाबाट दुई जनाले ज्यान गुमाएका छन् । 

पछिल्ला पाँच दिनका ६७ जनामा कोरोना संक्रमण पुष्टि भएपछि दुई साताका लकडाउन गरिएको विराटनगरमा पीसीआर परीक्षणलाई तीव्रता दिइएको छ । लकडाउनका कारण शनिबार महानगरको मुख्य बजार क्षेत्र सुनसान रह्यो । संक्रमण रोकथामका लागि गरिएको लकडाउनमा स्वाब परीक्षण बढाइएको महानगरपालिकाका जनस्वास्थ्य महाशाखा प्रमुख रमेश कार्कीले बताए ।

विराटनगर महानगरपालिकामा शुक्रबार राति १२ बजेबाट लागू हुने गरी दुई हप्ता लकडाउन गर्ने घोषणा गरेको छ । प्रदेश १ का सामाजिक विकास मन्त्रालयले स्थानीय तहहरुलाई आवश्यकता अनुसार लकडाउन गर्ने निर्णय शुक्रबार गरेपछि महानगरले घोषणा गरेको हो । 

कोरोना भाइरसको संक्रमणबाट मोरङको सुनवर्षी नगरपालिकाका ४५ वर्षीय पुरुषको मृत्यु भएको छ । विराटनगरस्थित कोसी अस्पतालबाट बीपी कोइराला स्वास्थ्य विज्ञान प्रतिष्ठान धरानमा थप उपचारका लागि पठाइएका पुरुषको उपचारको क्रममा मृत्यु भएको प्रतिष्ठानका प्रवक्ता डा. निदेश सापकोटाले बताए ।

विराटनगर महानगरपालिकामा थप १६ जनालाई कोरोना संक्रमण देखिएको छ । थपिएका नयाँ संक्रमितमध्ये विराट नर्सिङ होमकी एक महिला चिकित्सक र दुई जना कर्मचारी छन् ।

विराटनगर अस्पताल प्रालिले सञ्चालन गरेको विराट नर्सिङहोममा कार्यरत थप चार स्वास्थ्यकर्मीमा कोरोना संक्रमण पुष्टि भएको छ । यसअघि मंगलबार सोही नर्सिङ होमका सञ्चालकसमेत रहेका चिकित्सकमा संक्रमण देखिएको थियो । 

विराटनगरमा 'ट्राभल हिस्ट्री' नभएका १४ जनामा कोरोना संक्रमण पुष्टि भएपछि विराटनगर महानगरपालिकाले समुदायमा संक्रमण फैलिएको निष्कर्ष निकालेको छ । कतै नगएका व्यक्तिहरुमा संक्रमण देखिएकाले समुदायमै कोरोना फैलिएको निष्कर्ष निकालिएको महानगरका जनस्वास्थ्य महाशाखा प्रमुख रमेश कार्कीले जानकारी दिए । 

प्रदेश १ प्रहरी कार्यालय विराटनगरका थप १९ जना प्रहरी अधिकारीलाई कोभिड-१९ पोजिटिभ देखिएको छ ।

लकडाउन खुलेपछि प्रदेश १ का विभिन्न नाका हुँदै भारतबाट ६ सय ८५ जना नेपाल भित्रिएका छन् । भारतमा कोरोना महामारीले भयावह रुप लिइरहेका बेला नेपाल भित्रिने क्रम बढेको भन्दै स्थानीयहरु भने संक्रमणको जोखिम बढेको बताउँछन् ।