‘कृषि प्रवर्द्धनका लागि सहकार्य जरुरी’

उद्योग वाणिज्य महासंघ प्रदेश १ समितिले शनिबार हिलेमा आयोजना गरेको अन्तक्रियाका सहभागीले तुलनात्मक लाभका क्षेत्र पहिचान गरी लगानी बढाउनुपर्ने बताएका हुन् ।

महासंघका केन्द्रीय सदस्य अविनाश बोहोराले प्रदेश १ मा आर्थिक सम्मृद्धिका लागि छरपस्ट कार्यक्रमभन्दा तुलनात्मक लाभका क्षेत्र पहिचान गरी कृषिको व्यवसायीकरण र विशिष्टिकरण गर्नुपर्नेमा जोड दिए ।

पूर्वाधार विकास गरी गाउँलाई शहरसँग जोड्नुपर्ने, पर्याप्त अध्ययन अनुसन्धान गरी अर्ग्यानिक उत्पादन, बजारको खोजी गर्नुपर्ने, कृषि उपजको प्रशोधन, प्याकेजिङ र ब्राण्डिङ मार्फत मूल्य अभिवृद्धि र बजार विस्तार गर्नुपर्ने उनले बताए ।

कृषि उपज सुरक्षित राख्न शीत भण्डार, वेयरहाउस, मण्डी, अक्सन हाउस तथा निर्यात गृहजस्ता बजार पुर्वाधारहरु निर्माण र सञ्चालनमा सार्वजनिक तथा निजी क्षेत्रले लगानी सहकार्य गर्नुपर्ने सहभागीले बताएका थिए ।