बेग्लाबेग्लै घटनामा २ जनाको मृत्यु
विराटनगर — सुनसरीको दुहबीमा स्कुल बसको ठक्करले मोटरसाइकल चालकको मृत्यु भएको छ । इटहरीबाट विराटनगर गइरहेको मेरिल्याण्ड स्कुलको को १ क ११८८ नम्बर बसले ठक्कर दिंदा को १३ प ४७५ नम्बर मोटरसाइकल चलाइरहेका ३६ वर्षीय जयनारायण चौधरीको शुक्रबार साँझ मृत्यु भएको प्रहरीले जनाएको छ ।
यसैगरी, संखुवासभाको मकालु गाउँपालिका ५ स्थित अरुण तेस्रो जलविद्युत निर्माणको काममा रहेको एसएम राज कम्पनीका कामदार ३५ वर्षीय दिलिप थापाको पौडी खेल्ने क्रममा मृत्यु भएको छ । स्थानीय राते खोलामा पौडी खेल्ने क्रममा डुबेर उनको मृत्यु भएको प्रदेश १ प्रहरी कार्यालयले जनाएको छ ।
प्रतिक्रिया