लगानीका क्षेत्र पहिल्याउन जोड

कृषि क्षेत्रको प्रवर्द्धन र सम्भावित लगानीका क्षेत्र पहिल्याउने उद्देश्यले सदरमुकाम गाईघाटमा आयोजित अन्तर्क्रियाका सहभागीले यस्तो बताएका हुन् ।

वैदेशिक रोजगारीबाट प्राप्त रकमलाई व्यावसायिक कृषि उत्पादनतर्फ आकर्षित र प्रोत्साहन गर्न सुलभ र सहज रूपमा कृषि ऋणको उपलब्धता हुनुपर्ने माग पनि सरोकारवालाले राखेका थिए ।

नेपाल उद्योग वाणिज्य महासंघ प्रदेश १ समितिले आयोजना गरेको कार्यक्रममा महासंघका केन्द्रीय कार्यकारिणी सदस्य एवं सार्क चेम्बर अफ कमर्श एन्ड इन्डस्ट्रिका सदस्य अविनाश बोहराले धरातलीय तथा हावापानीको विविधताका आधारमा सम्भावना खोजी गरी कृषिलाई प्रतिस्पर्धी क्षेत्रका रूपमा विकास गरिनुपर्ने औंल्याए ।

कृषि क्षेत्रको व्यावसायीकरण र औद्योगिकरण गरी गरिबी न्यूनीकरण र आर्थिक विकास गर्न सकिने सम्भावना रहेको बताउँंदै बोहराले यसबाट खाद्य तथा अन्य कृषि वस्तुको आयात प्रतिस्थापन गर्न सकिने बताए ।

उच्च मूल्यका कृषि उपजको निर्यातमार्फत व्यपार घाटा न्यून गर्न सकिनेमा सहभागीले जोड दिएका थिए । कृषि क्षेत्रको रूपान्तरण एवम् बजार विकासका लागि मन्डी (अक्सन हाउस), वेयर हाउस, शीतभण्डार एवम् निर्यात गृहको स्थापना गरिनुपर्नेमा जोड दिइएको थियो । अर्थशास्त्री डा. अर्जुन बरालले प्रदेश १ मा कृषि क्षेत्रको प्रवर्द्धन र लगानीका अवसरका विषयमा कार्यपत्र प्रस्तुत गरेका थिए । उनले प्रदेशका सबैजसो जिल्ला कृषि उत्पादनमा अग्रणी रहेको उल्लेख गर्दै यस क्षेत्रबाट अधिकतम लाभ लिन

किसानलाई प्रोत्साहन गर्नुपर्ने बताए ।

सहभागी उद्यमी, व्यवसायी तथा कृषकहरूले गाईघाट, कटारी र बेलका नगरपालिका बजार क्षेत्रमा आलु, ताजा तरकारी र फलफूल लक्षित शीत भण्डारण गृहहरू निर्माण तथा सार्वजनिक निजी सहकारी सहकार्यमा सञ्चालन गर्नुपर्ने बताए ।

यसैगरी बेसार, तेजपात/सिन्कौली, खसीबाख्रा, ताजा तरकारी, फूलखेती, जुसका लागि उखु, तथा कृषि पर्यटनको व्यावसायिक उत्पादन तथा निर्यात प्रवर्द्धनमा निजी क्षेत्रको लगानी आवश्यक रहेको, व्यावसायिक खरायो पालनका लागि नीतिगत रूपमा सम्बोधन गरिनुपर्ने सहभागीले औंल्याएका थिए ।

वैदेशिक रोजगारीबाट प्राप्त रकमलाई व्यावसायिक कृषि उत्पादनतर्फ आकर्षित तथा प्रोत्साहन गर्न सुलभ र सहज रूपमा कृषि ऋणको उपलब्धता हुनुपर्ने माग समेत सरोकारवालाले राखेका थिए ।