डुबेर एक बालिकाको मृत्यु, अर्की बेपत्ता
विराटनगर — मोरङको पथरी शनिश्चरे नगरपालिका ६ की एक बालिकाको पैनीमा डुबेर मृत्यु भएको छ । अर्की बालिका बेपत्ता भएकी छन् ।प्रहरीका अनुसार स्थानीय राजीव तामाङकी ११ वर्षीया छोरी सिर्जना र इलामको दानाबारी ९ का कृष्ण तामाङकी ८ वर्षीया छोरी प्रिती तामाङ सुनवर्षीस्थित फुपूको घर जान भनेर हिँडेका थिए ।
साइकलमा गइरहेका उनीहरु गाउँ नजिकको पैनीमा डुबेर बेपत्ता भएका थिए ।
खोजी गर्ने क्रममा प्रिती मृत अवस्थामा फेला परेको प्रहरीले जनाएको छ । बेपत्ता भएकी सिर्जनाको खोजी भइरहेको प्रहरीले जनाएको छ ।
प्रतिक्रिया
