प्रदेश १ सरकारको निर्णय : मृतक परिवारलाई दुई लाख, घाइतेको उपचार नि:शुल्क

असार २९, २०७६कान्तिपुर संवाददाता

मोरङ — प्रदेश १ सरकारले बाढीपहिरोमा ज्यान गुमाउनेका परिवारलाई दुई लाख राहत दिने निर्णय गरेको छ । मन्त्रीपरिषद्को आइतबार बसेको बैठकले मृतक परिवारलाई जनही दुई लाख र घाइतेको उपचार गराउने निर्णय गरेको हो ।

प्रदेश १ सरकारका प्रवक्ता एवं आन्तरिक मामिला तथा कानुन मन्त्री हिक्मत कार्कीले मृतक परिवारलाई दुई लाख बाढीपहिरोमा घाइते भएकालाई सरकारी अस्पतालमा निःशुल्क उपचार गराउने निर्णय भएको बताए ।