विद्यालय छाड्ने बढे

कान्तिपुर संवाददाता

विराटनगर — प्रदेश १ को एक मात्र महानगरपालिका विराटनगरमा बीचैमा पढाइ छाड्ने बालबालिकाको संख्या उच्च देखिएको छ  । विराटनगर महानगरपालिकामा गत वर्ष २ हजार ३ सय ३ जना भर्ना भएका मध्ये १३ प्रतिशत बालबालिकाले बीचमै पढाइ छाडेका छन्  ।

महानगर शिक्षा शाखाको तथ्यांक अनुसार नगरको ५१ वटा सामुदायिक विद्यालयमा १ देखि कक्षा १० सम्म १७ हजार १ सय ५ जना विद्यार्थी भर्ना भएका मध्ये १४ हजार ८ सय २ जना विद्यार्थी मात्र परीक्षामा सामेल भएका छन् ।

सबैभन्दा बढी प्राथामिक तहमा भर्ना भएका विद्यार्थीले विद्यालय छोडेको देखिएको छ । शिक्षा शाखाका अनुसार महानगरले सञ्चालन गरेको भर्ना अभियानमा गत वर्ष कक्षा एकमा १८ सय ४४ विद्यार्थी भर्ना भएका थिए । विद्यालयले लिने वार्षिक परीक्षामा यीमध्ये १४ सय ३ जना मात्रै सहभागी भएका छन् । कक्षा एकमा मात्रै २३ प्रतिशत अर्थात ४ सय ४१ जना विद्यार्थीले बस्चमै पढाइ छाडेका थिए ।

कक्षा दुईमा १७ सय ३५ जना भर्ना भएकोमा १३ सय ८९ जना मात्रै परीक्षामा सहभागि भए । बाँकी ३ सय ४६ जनाले पढाइ छाडे । कक्षा ३ मा भर्ना भएका १६ सय ६३ जना मध्ये १३ जना ८३ जनामध्ये परीक्षामा सामेल भए । बाँकी २ सय ८० जनाले पढाइ छाडे । त्यस्तै कक्षा ४ मा भर्ना भएका १५ सय ८५ मध्ये १३ सय ७५ परीक्षामा सामेल भएको र सय ८२ जनाले बीचमै पढाइ छाडेका छन् । कक्षा ५ मा १४ सय ८१ भर्ना भएका थिए । यी मध्ये १२ सय ९९ जनाले मात्रै वार्षिक परीक्षा दिए । बाँकी १ सय ८२ जनाले बीचैमा पढाइ छाडेको तथ्यांकले देखाएको छ ।


यो तथ्यांकलाई हेर्दा गत वर्ष सञ्चालन गरिएको भर्ना अभियानमा कक्षा १ देखि ५ सम्म भर्ना भएका ८ हजार ३ सय ८ जना मध्ये ६ हजार ८ सय ४९ जना मात्रै विद्यालयको वार्षिक परीक्षमा सामेल भएको देखिएको छ । बाँकी १४ सय ५९ जना बालबालिकाले बीचैमा पढाइ छाडेको देखिएको छ ।


त्यस्तै कक्षा ६ देखि ८ सम्म भर्ना भएका ४ हजार ८ सय ६० मध्ये ४ हजार ३ सय ७७ जना परीक्षामा सामेल भएको र बाँकी ४ सय ८३ जना बालबालिकाले बीचमै विद्यालय छाडेको देखियो । कक्षा ९ र १० मा ३ हजार ९ सय ३७ जना भर्ना भएकोमा ३ हजार ५ सय ७६ जना मात्रै परीक्षामा सहभागि भएका थिए ।

बाँकी ३ सय ६१ जनाले बीचमै पढाइ छाडेको महानगरपालिकाको तथ्यांकले देखाएको छ । महानगरमा रहेका १६ वटा धार्मिक विद्यालयको ६ कक्षादेखि १० सम्म भर्ना भएका ३ सय ९५ जना विद्यार्थीमध्ये शतप्रतिशत विद्यार्थी परीक्षामा सामेल भएका छन् ।

प्रकाशित : वैशाख १७, २०७६ ०९:४७
प्रतिक्रिया
पठाउनुहोस्

मोरङका गाउँमा दादुरा फैलियो

कान्तिपुर संवाददाता

विराटनगर — पूर्ण खोपयुक्त जिल्ला घोषणा भएको वर्ष दिन पनि नपुग्दै मोरङमा दादुराको प्रकोप फैलिएको छ  । मोरङको सुनवर्सी नगरपालिका ७ बरडंगा र डाइनियाको मुस्लीम बस्तीमा दादुराको प्रकोप फैलिएको हो  ।

सुनबर्सी नगरपालिकामा अहिलेसम्म १९ जनामा दादुरा देखा परेको जिल्ला स्वास्थ्य कार्यालय मोरङले जनाएको छ ।

चैत ११ गते बरडंगामा ४ जनामा दादुरा देखिएपछि १४ गते डाइनियाका ८ बालबालिकाको रगत परीक्षण गर्दा दादुरा फेला परेको कार्यालयले थियो । एकजनामा देखा परेको दादुरा विस्तारै बस्तीमाझ फैलिएर १९ बालबालिका प्रभावित भएको कार्यालयका खोप अधिकृत रामानन्द यादवले बताए ।

भारतसँगको सिमानजिकै रहेको डाइनिया र वरडंगाको मुस्लीम बस्तीमा फैलिएको दादुराको समयमै उपचार नगर्दा प्रकोपका रूपमा फैलिएको उनको भनाइ छ । गत चैतमा हात्तीपाइलेको औषधि खुवाउने कार्यक्रमअन्तर्गत उक्त स्थानमा गएका स्वास्थ्यकर्मीले उपचार नगरी देउता आएको भन्दै घरमा लुकाएर राखेको अवस्थामा दादुराको बिरामी फेला परेको उनले बताए ।

‘हात्तीपाइलेको औषधि ख्वाउन घरघरमा जाँदा दादराको बिरामी देखा परेको थियो ।’ उनले भने, ‘अझै पनि केही मधेसी तथा मुस्लिम समुदायको वस्तीमा दादुरालाइ गोसाई (देउता) आएको भन्दै लुकाउने चलनछ त्यसैले डाइनिया र बरडंगामा यसले महामारीको रूप लियो ।’ बिरामीलाई घरभित्रै लुकाएर राखेको अवस्थामा आफुहरूले राजनैतिक दलका प्रतिनिधि, स्थानिय स्वास्थ्यकर्मीहरूसँग सहकार्य गरी उनिहरूको उपचार गराइएको उनले बताए ।

दादुरालाई गोसाई आएको भनेर उनिहरूले घरबाट बाहिर निस्कन नहुने भन्दै उपचार नगरी बस्दा वरडंगाका ४ वर्षीय मोनिकरण मण्डल र ३ वर्षीया निरु खातुन दुइजना बालकको अवस्था निकै नाजुक भएको उनले बताए । जिल्ला स्वास्थ्य कार्यालयको सहयोगमा उनीहरूको रंगेली अस्पतालमा उपचार गराइएको उनले जानकारी दिए ।

२०७५ असारमा मोरङलाइ पूर्ण खोप जिल्ला घोषणा गरिएको थियो । भारतीय सीमा नजिकैको बस्तीमा बसोबार गर्ने भएकालेउनिहरू नेपाल र भारतमा आउनेजाने क्रम चलिरहने हुँदा खोप लगाउन छुटेको हुन सक्ने यादवले बताउनुभयो । चेतनाका अभावमा विरामीलाई घरमित्रै लुकाएर राख्दा थप महामारीको रूप लिएको उनले बताए ।

उपचार पश्चात दादुराका बिरामीलाइ ठिए भए पनि दादुराको सूक्ष्म जिवाणु पुनः फैलन सक्ने खतरा रहेकाले प्रदेश सामाजिक विकास मन्त्रालय, प्रदेश स्वास्थ्य निर्देशनालयको समन्वयमा आइतबारदेखि डाइनिया र बरडंगाामा तीनदिने मास क्याम्पेन सुरु गरिएको छ । क्याम्पमा ९ महिनादेखि १४ वर्ष उमेर समूहका बालबालिकालाइ खाोप लगाउने कार्यालयले जनाएको छ ।

प्रकाशित : वैशाख १७, २०७६ ०९:४६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT