रंगशालामा फर्किएको रौनक [तस्बिरहरू]

काठमाडौँ — नेपाल र भारतबीच भएको मैत्रीपूर्ण अन्तर्राष्ट्रिय फुटबलका कारण बिहीबार दशरथ रंगशाला उत्सवमय बन्यो । कोरोना भाइरस संक्रमणले लामो समयदेखि दर्शकहरुको उपस्थितिमा खेल खेलाइएको थिएन । तर बिहीबार भने स्वास्थ्य मापदण्डसहित दर्शकको उपस्थितिमै खेल भएपछि रंगशालाको माहोल तातिएको हो । फुटबल हेर्ने दर्शकले रंगशालामा प्रवेशका बेला खोपको दुवै मात्रा लिइसकेको अथवा पीसीआर परीक्षण गरेको नतिजा पेस गर्नुपरेको थियो । फुटबल र खेलाडीलाई बेलाबेला स्यानीटाइज गरिएको थियो । दुई देशबीचको मैत्रीपूर्ण खेल भने १–१ को बराबरीमा टुंगिन पुग्यो । कोभिड–१९ को संक्रमणलाई ख्याल गर्दै दर्शकहरुलाई दुई सिट छोडेर राखिएको थियो । तस्बिरहरु : अंगद ढकाल