प्रतिनिधिसभाको बैठक सुरु [तस्बिरहरु]

तस्बिर : अंगद ढकाल, तस्बिर : हेमन्त श्रेष्ठ

काठमाडौँ — प्रधानमन्त्री केपी शर्मा ओलीले प्रतिनिधिसभामा विश्वासको मत लिने भएपछि प्रतिनिधिसभाको बैठकमा सुरु भएको छ । आइतबार बसेको कार्यव्यवस्था परामर्श समितिको बैठकमा विश्वासको मत लिने क्रममा सबै प्रक्रिया आजै टुंग्याउने सहमति भएको हो । प्रतिनिधिसभामा शीर्ष दलका नेताहरु आइसकेका छन् । संसद् सचिवालयका अनुसार कोभिड संक्रमित सांसदलाई छुट्टै हलमा मतदानको व्यवस्था मिलाइएको छ । दलीय आधारमा छुट्याइएको बढीमा २ घण्टाको समयमा सत्ता र प्रतिपक्ष सांसदहरूले मन्तव्य राख्ने सहमति कार्यव्यवस्था बैठकमा भएको छ । प्रधानमन्त्री ओलीको अनुरोधमा विश्वासको मत लिने प्रयोजनका लागि प्रतिनिधिसभा बैठक बोलाइएको हो ।


प्रकाशित : वैशाख २७, २०७८ १३:२०
प्रतिक्रिया
पठाउनुहोस्

विपक्षमा मतदान गर्न सांसदहरूलाई माओवादीको निर्देशन

कान्तिपुर संवाददाता

काठमाडौँ — नेकपा माओवादी केन्द्रले प्रधानमन्त्री केपी शर्मा ओलीले लिने विश्वासको मतको विपक्षमा मतदान गर्न आफ्ना सांसदलाई निर्देशन दिएको छ ।

फाइल तस्बिर

सिंहदरबारस्थित संसदीय दलको कार्यालयमा आइतबार बिहान बसेको बैठकले आफ्ना सांसदलाई विपक्षमा मतदान गर्न निर्देशन दिएको दलका सचेतक देव गुरुङले जानकारी दिए ।

एक बजेदेखि बस्ने प्रतिनिधिसभाको बैठकमा प्रधानमन्त्री ओलीले विश्वासको मतको प्रस्ताव गर्दै छन् । त्यसमा हुने मतदानमा माओवादीले विपक्षमा मतदान गर्ने भएको हो ।

यस्तै जनता समाजवादीका अध्यक्ष बाबुराम भट्टराई र उपेन्द्र यादव पक्षले पनि विपक्षमा मतदान गर्ने भएको छ । कांग्रेसले यसअघि नै विपक्षमा मतदान गर्ने निर्णय गरेको थियो । एमालेको नेपाल–खनाल पक्षका सांसद भने मतदानमा अनुपस्थित हुने निर्णय गरेको छ ।

प्रकाशित : वैशाख २७, २०७८ १३:०७
पूरा पढ्नुहोस्
प्रतिक्रिया
पठाउनुहोस्
×