कान्तिपुर वेबसाईट
AdvertisementAdvertisement

गोलको खुसी [तस्बिरहरु]

तस्बिर : हेमन्त श्रेष्ठ, तस्बिर : अंगद ढकाल

काठमाडौँ — दशरथ रंगशालामा जारी नेपाल र बंगलादेशबीचको फाइनल खेलमा नेपालले अग्रता लिएसँगै खेलाडीहरुमा उत्साह छाएको छ । लामो समयदेखि गोलविहीन बन्न पुगेको नेपालले हाफटाइम अघिसम्म दुई गोलको अग्रता लिएको छ ।

खेलको ४१ ‌औं मिनेटमा नेपालका जर्सी नम्बर ८ का विशाल राईले सुन्दर गोल गरेका हुन् । यसअघि खेलको १८ औं मिनेटमा नेपालका संजोग राईले गोल गरेका थिए ।नेपालका लागि २४ नम्बरको जर्सी लगाएर खेलिरहेका राईले डी एरियामा पाएको बललाई सशक्त प्रहार गर्दै गोलमा परिणत गरेका थिए ।साढे ५ बजेदेखि सुरु भएको खेल हेर्न प्रधानमन्त्री केपी ओली पनि रंगशाला गएका छन् ।


प्रकाशित : चैत्र १६, २०७७ १८:३७
प्रतिक्रिया
पठाउनुहोस्

साओमीका मी स्मार्ट टीभी र इको सिस्टम

कान्तिपुर संवाददाता

काठमाडौँ — साओमीले आफ्ना दुई उत्पादन मी स्मार्ट टीभी र मी इको सिस्टम सार्वजनिक गरेको छ ।

कम्पनीले मी टीभी ४ एक्सका विभिन्न चार मोडल बजारमा ल्याएको हो । यी टीभीमा फोरके डिस्प्ले एचडीआर, इन–हाउस एन्ड्रोइड आधारित प्याचवाल युआईलगायत विशेषता छन् ।

मी टीभी क्वाड–कोर अमलोगिक कोर्टेक्स ए ५३ चिपसेटद्वारा सञ्चालित रहेको कम्पनीले जनाएको छ । साओमीले १६ वाटको मी पोर्टेबल ब्लुटुथ स्पिकर र मी बियर्ड ट्रिमर १ सी सार्वजनिक गरेको छ ।

२६ सय एमएएचको ब्याट्री रहेको यसलाई १ मिटर पानीमा ३० मिनेटसम्म डुबाउँदा पनि केही नहुने कम्पनीको भनाइ छ । मी बियर्ड ट्रिमर १ सी पहिले लन्च गरिएको मोडलभन्दा हलुका र पातलो छ । यसमा २० लेन्थ सेटिङ्ग्स र दुई घण्टामा पूरै चार्ज हुनेलगायत विशेषता छन् ।

मी टिभी ४ एक्स ६५ इन्चको २०२१ संस्करणको मूल्य १ लाख १९ हजार ९ सय ९९, मी टीभी ४ ए ४३ इन्च हराइजन संस्करणको ४६ हजार ९ सय ९९, मी टिभी ४ ए ४० इन्च हराइजन संस्करणको ३७ हजार ९ सय ९९ र मी एलईडी टीभी ४ ए ३२ संस्करणको ३४ हजार ९ सय ९९ रुपैयाँ रहेको कम्पनीले जानकारी दिएको छ ।

त्यस्तै साओमीका मी पोर्टेबल ब्लुटुथ स्पिकरको मूल्य २ हजार ३ सय ९९ र मी बियर्ड ट्रिमर १ सीको १ हजार ७ सय ९९ रुपैयाँ रहेको कम्पनीले बताएको छ ।

प्रकाशित : चैत्र १६, २०७७ १८:३६
पूरा पढ्नुहोस्
प्रतिक्रिया
पठाउनुहोस्
×