रामग्राममा पोखिएको प्रधानमन्त्रीको प्रतिष्ठा
गौतम बुद्धको अस्तिधातु समाधिस्थल रामग्राम क्षेत्र उत्खनन एवं सरचना निर्माण कार्यको शिलान्यास प्रधानमन्त्री पुष्पकमल दाहालले गरेको समाचारको मसी सुक्न नपाउँदै प्रतिनिधिसभाको सार्वजानिक लेखा समितिले उत्खनन र संरचना निर्माणसम्बन्धी सबै प्रक्रिया नै खारेज गर्न निर्देशन दिएको छ । यसबाट देशको कार्यकारी प्रमुखको साख र प्रतिष्ठामा ठूलो प्रश्न उठेको छ ।
प्रधानमन्त्रीजस्तो मान्छेले कसैले उद्घाटन, शिलान्यास गर्न बोलायो भन्दैमा बुझ्दै नबुझी जानु नै विडम्बनापूर्ण छ । सरोकार निकायहरूले लिखित असहमति राख्दाराख्दै लुम्बिनी विकास कोषले रामग्राममा संरचना निर्माण गर्ने गरी बिनाप्रतिस्पर्धा निजी कम्पनीलाई ९९ वर्षसम्मका लागि जग्गा लिजमा दिने समझदारी गरिएको थियो ।
दान पेटिकामा झर्ने भेटीमा समेत ठेकेदार कम्पनीलाई २० प्रतिशत दिनुपर्ने समझदारी गरिएको थियो । प्रचण्डबाट हतारहतार शिलान्यास गराएर काम अगाडि बढाउन खोजिएको थियो । त्यसलाई रद्द गर्न निर्देशन दिने निर्णय गरेर सार्वजानिक लेखा समितिले देश हितमा ठूलो काम गरेको छ ।
– गोपाल देवकोटा, गोकर्णेश्वर, काठमाडौं