मन्त्रीको विदेश मोह

स्वास्थ्यमन्त्री भएदेखि हालसम्म करिब १५ पटक विदेश भ्रमण गरिसकेका मन्त्री यादव संविधान दिवस नजिकिँदै गर्दा सायद त्यसदिन भव्यतासाथ सो दिवस मनाउनुपर्छ भन्ने कञ्जुस्याइँले हो या उनैका पार्टीका अर्का नेताको दबाब थेग्न नसकेर हो, फेरि १४ दिनका लागि अमेरिका भ्रमणमा जाँदैछन् । देशैभर डेंगु आतंकले जनजीवन अस्तव्यस्त भएको छ र अस्पतालमा बिरामीको घुइँचो लागेको छ । डेंगुकै कारण केहीको मृत्यु भइसकेको छ । अझै पनि जनस्वास्थ्यकर्मीको अभावले पर्याप्त औषधि र जनसेवा उपलब्ध गराउन धौधौ परिराखेको छ । रोग बारेमा मानिसमा भ्रम व्याप्त । स्थानीय सरकारका प्रतिनिधिहरूले केही हदसम्म रोगको नियन्त्रणमा स्थानीय जनस्वास्थ्य स्वयम्सेविकामार्फत उपचारको लागि पहल गरिराखेका छन् । तर मन्त्री भने विदेश भ्रमणमा मस्त छन् । सत्तामा बसेर जनताले खाई–नखाई तिरेको करबाट उठेको रकमको सदुपयोगको सट्टा दुरुपयोग गर्ने छुट भने कसैलाई हुनुहुँदैन ।
– खिमराज गिरी, लमजुङ