पहिचानवादी चुप लाग्ने छैनन्
सोमबार प्रकाशित ‘टीकापुर ऐनाका ताजा तस्बीर’ले यथार्थ बोलेको छ । न टीकापुर घटनाको छानबिन गरियो, नत लाल आयोग नै प्रकाशित भयो ।
विना उचित छानबिन रेशम चौधरीलाई आजीवन कारावास दिइयो । थारुका घर जलाउनेहरूलाई भने कुनै सजाय भएन । यस्तो किन भयो ? यो प्रश्नको जवाफ सरकारले दिनुपर्छ । यही विषय जानकारी गराउन हेतु थारु सम्मेलन भयो । सरकारले जानी–जानी पहिचानकर्मीका मागलाई बेवास्ता गरेको छ । यसले राजनीतिक आन्दोलन अझै टुंगिएको छैन भन्ने देखाउँछ । जबसम्म सरकारले संविधान संशोधन गरेर पहिचानकर्मीका मुद्दा सम्बोधन गर्दैन, तबसम्म पहिचानवादी चुप लाग्ने छैनन् ।
– डा. शिवशंकर यादव, छपकैया, वीरगन्ज
प्रतिक्रिया