आश्वासन मात्र बाँड्ने सरकार
सरकारका गतिविधि दलालीकरण र भ्रष्ट क्रियाकलापमा नै केन्द्रित रहेको आभाष हुनथालेको छ ।
विश्वविद्यालय पदाधिकारी नियुक्तको तौरतरिका, पञ्चायतकालीन ठेक्का दिने प्रकरणको थालनी, पत्रकार पुडासैनी काण्ड लगायतका गतिविधिले सरकार आफै अस्थिरताको कारक बन्दैछ जस्तो लाग्छ । प्रतिपक्ष नाम मात्रको छ । देश वैदेशिक ऋणमा डुबिसकेको छ । प्राकृतिक सुन्दरताले भरिपूर्ण देशमा किन अन्यायका बादल मडारिएको छ ? देशले किन गति र लय लिनसकेको छैन ?
अहिले देशको गतिविधि हेर्दा निराशा धेरै छ । विश्वविद्यालय राजनीतिक भागबन्डाको सिकार बनेको छ । यो खेदजनक छ । दुई तिहाइको सरकार आश्वासनमा मात्र केन्द्रित छ । सरकारका गतिविधि युवालाई निराशा देखाउने मात्र छ । शिक्षा, स्वास्थ्य निशुल्क हुनुपर्नेमा दलाल र भ्रष्टहरूको कमाइखाने थलो भएको छ ।
– टंकप्रसाद गैह्रे, वालिङ–१३, स्याङजा