खेत बाँझिएको छैन

बेलायत सरकारको अनुदान सहयोगमा सञ्चालित ग्रामीण पहुँच कार्यक्रम तेस्रो चरण अन्तर्गत जिल्ला सडक निर्माण गर्दा मेसिन तथा विस्फोटक पदार्थको प्रयोग नगरी श्रममा आधारित वातावरण मैत्री प्रविधिको प्रयोग गरिन्छ्र । यस कार्यक्रमको नीति अनुरुप सडक निर्माण कारणले क्षति भएका सिंचाइ कुलो, गोरेटो–घोरेटो बाटो, खानेपानी तथा मठमन्दिरका संरचनालाई पूर्ववत अथवा अझ राम्रो अवस्थामा पुन:स्थापना गरी सञ्चालनयोग्य बनाइन्छ । उक्त सडक निर्माणको सिलसिलामा क्षति पुगेका अधिकांश स्थानीय पूर्वाधार पूर्णरूपमा पुन:स्थापना गरी सञ्चालनमा आइसकेको र बाँकी केही अन्तिम चरणमा रहेको अवगत गराउँछौं । समाचारमा उल्लेख गरिए जस्तो डोजर प्रयोग गरी सडक निर्माण गरिएको तथा सडक निर्माण गर्दा क्षति भएको सिंचाइ कुलोको कारणले २५ परिवारको खेत बाँझै रहेको भन्ने कुरा वास्तविकतासँग मेल खाँदैन ।

– माइकल ग्रिन, प्रोग्राम मेनेजर