सभापति यादव र सांसद किराँतीबीच संसदीय समितिमा चर्काचर्की
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — संसदको अन्तर्राष्ट्रिय सम्बन्ध तथा पर्यटन समितिमा राजकिशोर यादव र नेकपा माओवादी केन्द्रका सांसद तथा पूर्वपर्यटनमन्त्री सुदन किराँतीबीच चर्काचर्की भएको छ । आज चार वटा विषयमा छलफलका लागि समिति बाेलाइएकाे थियाे ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![सभापति यादव र सांसद किराँतीबीच संसदीय समितिमा चर्काचर्की](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/sudan-kirati1-2572024103502-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
ईयु सेफ्टी लिस्ट तथा नागरिक उड्डयन, नेपाल वायु सेवा निगमको कोरिया उडान अनुमति, पोखरा अन्तर्राष्ट्रिय विमानस्थल र गौतम बुद्ध अन्तर्राष्ट्रिय विमानस्थलको सञ्चालन तथा निजगढ अन्तर्राष्ट्रिय विमानस्थल निर्माणको हालसम्मको कार्यप्रगती र त्रिभुवन अन्तर्राष्ट्रिय विमानस्थलमा भाडामा रहेका पसल कवलहरुको सम्झौताको सम्बन्धमा छलफल थियाे ।
समिति सभापति यादवले समय कम रहेकाले सांसद किराँतीलाइ विषयवस्तुमा केन्द्रित रहेर बोल्न आग्रह गरे । ‘विषयमा केन्द्रित भएर राख्नुहोस्,’ सभापति यादवले भने । लगत्तै विषयभन्दा बाहिर नगएको भन्दै किराँतीले भने, ‘तपाईंले बुझ्न समस्या भयो ।’
लगत्तै यादवले भने, ‘माननीयज्यूले हद पार गर्नुहुन्छ ।’
किराँतीले चार/चार वटा विषयमा बोल्नुपर्दा लामो भएको र आफूले छोट्याएको समेत बताए । सांसद किराँतीले भने, ‘तपाईं दोहोरो संवाद गरेर समय नष्ट गर्ने, एजेन्डा राखेपछि हामीले बोल्न नपाउने ?
किराँतीले नयाँ मन्त्रीसँग चार वटा विषयमा किन छलफल राखेको भन्दै प्रश्न गरे । लगत्तै आफू नबोल्ने भन्दै किराँती बाहिरिए ।
![](https://assets-cdn.ekantipur.com/uploads/source/ads/900-x-100-1-0282024055738.gif)