माओवादीद्वारा दुई केन्द्रीय सदस्यलाई कारबाही, दर्जन बढीलाई स्पष्टीकरण सोध्ने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — माओवादी केन्द्र स्थायी समितिले दुई केन्द्रीय सदस्यलाई साधारण सदस्य नहरने गरी कारबाही गरेको छ । पार्टी नीतिविपरीत गतिविधि गरेको भन्दै बिरु तामाङ र उमा बिकलाई कारबाही गर्ने निर्णय गरेको एक स्थायी समिति सदस्यले जानकारी दिए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![माओवादीद्वारा दुई केन्द्रीय सदस्यलाई कारबाही, दर्जन बढीलाई स्पष्टीकरण सोध्ने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/maoist-1312024125459-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
तामाङ राजावादी गतिविधिमा संलग्न भएको र बिक केही समयअघि एमालेमा प्रवेश गरेकाले कारबाही गरेको माओवादीले जनाएको छ । माओवादीको चार महिने विशेष रुपान्तरण अभियानमा कार्यक्षेत्रमा नजाने दर्जन बढी केन्द्रीय सदस्यको पहिचान गरी स्पष्टीकरण सोध्ने निर्णय पनि बैठकले गरेको छ । उनीहरुले दिएको स्पष्टीकरण चित्तबुझ्दो नभए कारबाही गर्ने निर्णय पनि स्थायी समितिले गरेको छ ।
माओवादीले भदौ १६ देखि सञ्चालन गरेको चार महिने विशेष रुपान्तरण अभियानको समीक्षा गर्दै पार्टीलाई गतिशील बनाएको निष्कर्ष निकालेको छ । स्थायी समिति सदस्यले अभियानले पार्टी संगठनहरुलाई सक्रिय बनाएको बताएका थिए ।
सात प्रदेश र विशेष समितिका इन्चार्जले विशेष रुपान्तरण अभियानको समीक्षा गर्दै रिपोर्टिङ गरेका थिए ।
यो पनि
- माओवादी विधान सम्मेलन फागुन १ गते
- सरकारले आगामी बजेट जनताको प्रत्यक्ष निगरानीमा बनाउनेछ : प्रधानमन्त्री दाहाल