२४.१२°C काठमाडौं
काठमाडौंमा वायुको गुणस्तर: २४३
मिटरब्याज पीडित

खुलामञ्‍चमा प्रहरीले प्रवेश नदिएपछि सडकपेटीमै बास

काठमाडौँ — सरकारलाई आफ्ना माग सुनाउन ११ दिन पैदलयात्रा गरेर काठमाडौं आइपुगेका मिटरब्याज पीडितहरू सोमबार राति खुलामञ्च अगाडि सडकपेटीमै रात कटाउने भएका छन् । प्रहरीले खुलामञ्चमा प्रवेश गर्न नदिएपछि सयौं पीडितहरूले सडकपेटीमै सुतेका हुन् ।

खुलामञ्‍चमा प्रहरीले प्रवेश नदिएपछि सडकपेटीमै बास

सोमबार दिनभर खुलामञ्चको गेट अगाडि प्रदर्शन गरेका पीडितहरू रात परेपछि खुलामञ्चभित्र सेल्टर बनाउने भन्दै प्रहरीसँग आग्रह गरे पनि प्रहरीले प्रवेश गर्न नदिएपछि उनीहरूले बाहिरै ओछ्यान लगाए ।

पीडितहरूको प्रदर्शनमा अगुवाइ गरेका अधिकारकर्मी संघर्ष दाहालका अनुसार उनीहरू बासका लागि खुलामञ्चभित्रै रात कटाउने योजनामा थिए । राति अबेरसम्म पनि पीडितहरूले प्रहरीसँग अनुरोध गरिरहेको अधिकारकर्मी दाहालले बताए ।

यस क्रममा प्रहरीसँग उनीहरूको केही बेर धकेलाधकेलसमेत भएको थियो । प्रहरीले प्रवेश नै गर्न नदिएपछि उनीहरू पेटीमै सुतेका छन् ।

बर्दिबासदेखि ११ दिनको पैदल यात्रापछि आइतबार बिहान काठमाडौं आइपुगेका मिटरब्याज पीडितहरूले सोमबार दिनभर नाराबाजी गरेका थिए । यस क्रममा उनीहरूले 'मिटरब्याजीलाई कारबाही गर', 'सहुलियत दरमा ऋणको व्यवस्था गर', 'तमसुक व्यवस्था खारेज गर', 'मिटरब्याजविरुद्ध कानुन निर्माण गर' लगायतका नारा लगाएका थिए । सरकारले पहिले आफूसँग गरेका सम्झौता पालना गर्नुपर्ने उनीहरूको माग छ । साथै सरकारले माग पूरा नगरेसम्म आफूहरू घर नफर्किने उनीहरूले चेतावनी दिएका छन् ।

मिटरब्याजपीडितलाई न्याय दिलाउन अदालत तगारो !

प्रकाशित : चैत्र १३, २०७९ २१:०९
प्रतिक्रिया
पठाउनुहोस्
जनताको राय

भारतका २ ब्रान्डका गुणस्तरहीन मसला आयतमा प्रतिबन्ध लागेको छ । अन्य खाद्य सामग्रीबारे पनि अब सरकारले मुख्य रुपमा के गर्नुपर्छ ?