२८.१२°C काठमाडौं
बिस्कुट र इनर्जी ड्रिंक्सको गोदाममा आगलागी हुँदा २ जना घाइते
काठमाडौँ — कोटेश्वर महादेवस्थानमा रहेको एक बिस्कुट र इनर्जी ड्रिंक्सको गोदाम आगलागी हुँदा २ जना घाइते भएका छन् । घाइतेलाई उपचारका लागि कान्तिपुर अस्पताल लगिएको छ ।
घाइते हुनेमा धनुषा घर भइ कालिमाटी बस्दै आएका २३ वर्षीय बिक्कर लामा र भक्तपुरको सूर्यविनायक–६ घर भएका २८ वर्षीय उदय श्रेष्ठ छन् ।
बुधबार मध्याह्न मदन भण्डारी पार्क नजिकैको बिस्कुट र इनर्जी ड्रिंक्सको गोदाममा लागेको आगो निभाउन काठमाडौं महानगरपालिकको दमकल प्रयोग गरिएको छ ।
आगो निभाउन नेपाली सेना, सशस्त्र प्रहरी बल, नेपाल प्रहरी खटिएका छन् । आगलागी के कारणले भएको खुलेको छैन ।
प्रकाशित : जेष्ठ २३, २०८१ १२:५९प्रतिक्रिया
