नबिल बैंकको ३० प्रतिशत लाभांश पारित
काठमाडौँ — नबिल बैंकको ३८ औं वार्षिक साधारणसभाले गत आर्थिक वर्षको नाफाबाट घोषित ३० प्रतिशत लाभांश पारित गरेको छ । शुक्रबार बैंकका अध्यक्ष उपेन्द्रप्रसाद पौड्यालको अध्यक्षतामा सम्पन्न साधरणसभाले सेयरधनीलाई कुल ३० प्रतिशत लाभांश वितरण गर्ने प्रस्ताव पारित गरेको हो ।
बैंकले सेयरधनीलाई १८.५ प्रतिशत बोनस सेयर र ११.५ प्रतिशत नगद लाभांश वितरण गर्ने भएको हो ।साधरणसभाले संस्थापक शेयरधनी समूह तर्फबाट ३ जना संचालक निर्वाचित गरेको छ । निर्वाण चौधरी, मलय मुखर्जी र एआरएम नजमुस शकिबलाई सञ्चालक पदमा निर्वाचित गरिएको हो । नबिल बैंकका देशभर २४० वटा शाखाहरू तथा २७५ वटा एटीएम सञ्चालनमा छन् ।
प्रतिक्रिया