किताब जात्रा साउन १८ र १९ मा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — किताब यात्रा फाउन्डेसनले गर्दै आएको ‘किताब जात्रा’को छैटौं संस्करण काठमाडौंस्थित आर्मी अफिसर्स क्लबमा साउन १८ र १९ गते हुने भएको छ । फाउन्डेसनका अध्यक्ष तथा फेस्टिभल निर्देशक ऋषिराम अधिकारीले दुई वर्षपछि पुनः भौतिक रूपमै कार्यक्रम आयोजना गर्न लागिएको बताए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![किताब जात्रा साउन १८ र १९ मा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/asset-134x-2172024055927-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
उनका अनुसार जात्रामा साहित्यका अतिरिक्त कला, सामाजिक तथा आर्थिक क्षेत्रसँग सम्बन्धित समसामयिक विषयवस्तुमा विमर्श गरिनेछ । जात्रामा यस वर्ष भाषा, साहित्य, फिल्म, समाज, बैंकिङलगायत क्षेत्रका व्यक्तित्वहरू समावेश १५ सेसन रहनेछन् । साथै ‘संगम श्रुति’ ब्यान्डको सांगीतिक प्रस्तुति पनि रहने उनले बताए ।
त्यस्तै, जात्रामा काव्य सन्ध्या, पुस्तक प्रदर्शनी, स्टार्ट–अप प्रदर्शनी, ओपन–माइक, कला प्रदर्शनी, क्यालिग्राफी, रक्तदानजस्ता सहभागितामूलक सिर्जनात्मक गतिविधिसमेत हुने किताब यात्रा प्रालिका प्रमुख कार्यकारी अधिकृत तथा कार्यक्रम संयोजक विकेश भट्टराईले जानकारी दिए । यस्ता कार्यक्रमले पठनसंस्कृतिलाई जनजीवनको अभिन्न अंग बनाउन मद्दत पुर्याउने उनको दाबी छ ।
जात्रामा १ लाख ११ हजार १ सय ११ रुपैयाँ राशिसहितको ‘प्रेम साहित्य सम्मान’ पनि घोषणा गरिनेछ । सर्लाही जिल्लाका शिक्षासेवी स्व. प्रेमप्रसाद अधिकारीको स्मृतिमा स्थापना गरिएको सम्मान हरेक वर्ष नेपाली साहित्य र वाङ्मयमा विशिष्ट योगदान दिने स्रष्टालाई प्रदान गरिँदै आएको छ । पुरस्कार गत वर्ष साहित्यकार ध्रुवचन्द्र गौतमलाई प्रदान गरिएको थियो ।
जात्राका अवसरमा ‘किताब यात्रा’ले आफ्नो प्लाटफर्मबाट सर्वाधिक बिक्री भएको पुस्तकलाई ‘किताब यात्रा बेस्ट सेलर अवार्ड’ समेत प्रदान गर्नेछ । गत वर्ष लेखक गिरीश गिरीको ‘सत्यमोहन’ले उक्त अवार्ड जितेको थियो । त्यस्तै, एक जनालाई प्राइम सीएको सहकार्यमा खुला आवेदनका आधारमा सीए अध्ययनका लागि ‘प्रेम प्रसाद मेमोरियल स्कलरसिप’ प्रदान गरिने आयोजकले जनाएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)